ลามูลา 11 سے مشہور بائبلی آیات

شئیر

กะฆีเตอ_ ตูฮัด บือซัยํ เดะ อาตัซ มือเลา จะ_ “ลีฮัจ เลอ_ กูญา ฌาดี ซา บักซา_ อาดา ซา บาซา. อีนี เลอ_ ฌาดี ลาฆู ลามูลา_ นู กูญา ฮืนตะ นะ บูวัจ ดัฮ. กูญา อีงัจ นะ บูวัจ นามา โปด_ บูวัจ บือเลฮ ฮาปา. กะฆีเตอ_ กามี นะ ตูโรด ปี_ นะ บูวัจ บรี บาซา นะ กูญา กือลาจุ_ ตือปัจ อีตู_ บีดา ตีเมา บรี กูญา มือเลา มาโซะ เดะ ฮาตี บาซา นะ กูญา ซิกมาซิก บือเลฮ”_ ตูฮัด ญา จะ.

กะฆีเตอ_ กูญา มือเลา จะ_ “บอฮ_ บรี กีตา บูวัจ นังฆรี ซา นังฆรี_ บูวัจ รูมัฮ ตีงี บรี ฮูโฌก ดาปิก รอจ กะ ลาแงะ. บรี กีตา อาดา ปือนามา_ บรี กือนา มือโอจ. เตด กะฆีเตอ_ กีตา นะ กือนา บูวัจ บรี ปือจัฮ บือลัฮ ปี_ ราตา เดะ ดือนียา.”

ซาเบะ กะฆีนี เลอ_ ปือนามา นังฆรี อีตู กือนา บลาโลก จะ_ บาบีโลน_ กรานา ตือปัจ อีตู เลอ_ ตูฮัด บือซัยํ เดะ อาตัซ บูวัจ บรี บาซา_ นะ ลูมอฮ ซือมียา ราตา ดือนียา_ กือลาจุ ดัฮ. ดาตัก เดะ นังฆรี อีตู เลอ_ ตูฮัด บือซัยํ เดะ อาตัซ_ บูวัจ บรี ลูมอฮ ซือมียา ปือจัฮ บือลัฮ ปี_ ราตา ตือปัจ เดะ ดือนียา ดัฮ.

วะตู อีตู_ ซือมียา ซือมูฮา เดะ ดือนียา_ อาดา ซา บาซา_ อาดา ปือมือเลา ซือรูปา.

กะฆีเตอ_ ตูฮัด บือซัยํ เดะ อาตัซ เตอ_ ญา ตูโรด มาแรฮ ตีญุง ลีฮัจ นังฆรี_ ฌางัน รูมัฮ ตีงี_ นู โกะ ซือมียา บูวัจ ดัฮ.

กะฆีเตอ_ ตูฮัด บือซัยํ เดะ อาตัซ_ ญา บูวัจ บรี กูญา อีตู ปือจัฮ บือลัฮ ตรือเบะ เดะ ตือปัจ อีตู_ ปี ราตา ตือปัจ เดะ ดือนียา. กะฆีเตอ_ กูญา บราดู บูวัจ นังฆรี อีตู ดัฮ.