Lukas 4 سے مشہور بائبلی آیات

شئیر

“Roh Tuhan oko nyan Akuh, awi Are ocop mili Akuh ika ngorapot Tarung Pio indan kawan dulun mala; Are nyoruhan Akuh ika potarung otuh: kawan dulun tohanan, angar tongomebas; kawan dulun co bobuto angar boraoi noto; Are nyoruhan Akuh ika ngomebas kawan dulun co tonindas. Are nyoruhan Akuh ika potarung eh makitu iyohonon kotikaeh Tuhan poleha asi-Eh.”

Tapi hien Yesus ma Lacan Setan, “Antun Mohotara co tonulih nyan ponah Surat Borasih, ‘Nyembah Tuhan, Mohotaram mu. Baya molayan Are leh.’ ”

Tapi hien Yesus ma Lacan Setan cioh, “Antun Mohotara co tonulih ponah Surat Borasih, ‘Dulun aroko baya porulu ma kanon bewe ika bolum.’ ”

Yesus naat Sungoi Yordan ika-Eh tomombaptis. Roh Mohotara horulut Are hia padang gurun co ngolohiui.

Tapi hien Yesus ma Lacan Setan, “Antun Mohotara co tonulih nyan Surat Borasih, ‘Aroh nyuwah Tuhan, Mohotaram-Mu!’ ”

Opah Lacan Setan umbot nyuwah ina Yesus bodosa ma orong macam cara, are naat Yesus paluh nganto waktu co pio ika are nyuwah-Eh kole.

Opah iyoh Lacan Setan mehen Yesus tulak hia ika co poko hunyung. Ponah sokorobilop mata Setan ninjueh ma Are kokon korojaan nyan dunia. Hien Lacan Setan ma Yesus, “Kokon kokuasaan hintang koponatou conon angar tonyarah kuh Indam, awi kokoi tuh ihin indang-kuh, jadi akuh boraoi mihi kokoi ma ome bewe co tomili-kuh. Amun Iko nyembah akuh, maka akuh angar mihi kokon aang tanon indam-Mu.” Tapi hien Yesus ma Lacan Setan, “Antun Mohotara co tonulih nyan ponah Surat Borasih, ‘Nyembah Tuhan, Mohotaram mu. Baya molayan Are leh.’ ”

Opah iyoh Lacan Setan mehen Yesus hia kota Yerusalem paluh nyuhu Are tonjok nyan ika co poko hunyung nyan tungkui Lopo Mohotara. Hieeh, “Amun Iko tuu-tuu Anak Mohotara, nomposut leh! Iko aroko angar poroh, awi oko antun Mohotara co tonulih nyan Surat Borasih, ‘Mohotara angar nyuhu kawan molekat-Eh ngawat Iko. Hapo silun doh, iroh angar nyambut Iko, maka paam-Mu mahi aroko angar dingan tului buah batu!’ ” Tapi hien Yesus ma Lacan Setan, “Antun Mohotara co tonulih nyan Surat Borasih, ‘Aroh nyuwah Tuhan, Mohotaram-Mu!’ ”