Matius 5 سے مشہور بائبلی آیات

شئیر

Wee moto mui, moma hema to motutuni poindo pade natalouni hante loya, naupawee naboli i lolo poboliana ami bona poindo ee mampawantaki humawee tauna i rara hou. Wee moto mui komi, kana mewanta baami i tingoora tauna, bona rahilora ingkumi to nabelo pade raunera Tuamami to i huruga.”

Komi etu mai ewa baa hi dunia. Ngata to i lolo bulu moma'i nateleru.

Morahiramo tauna to moma norompenga rarara, apa hira mei mampahilo Alatala.

Morahiramo tauna to mingki mpuu manoro i tingoo Alatala, apa Alatala mei mampakadupa dotara matuwu manoro.

Naupawee Ku'ulika komi, potowemi balimi pade hambayanira tauna to nampakaheha komi.

“Morahiramo tauna to muntu nampaharumaka Alatala, apa hirami to mawali todea rara poparentaa Alatala.

Morahiramo tauna to nampopohingkabelo hingka manuhia, apa hira mei rauli ana-ana Alatala.

Morahiramo tauna to nadua rarara, apa Alatala mei mampakasana rarara.

Morahiramo tauna to laipakaheha habana nanoro ingkura, apa hirami to mawali todea rara poparentaa Alatala.

Morahiramo tauna to na'ahi rarara hi tau ntanina, apa hira mei mamparata ahi rara lako Alatala.

Morahimo komi ane habana Aku, komi rapopore, rapakaheha bo rapakudaa hante humawee jarita to moma nakono. Apa laipowee moto muira nabi-nabi to natepailodo lako hi komi. Aji, kagoemo komi ane to ewa ee madupa hi komi, apa nabohe tomomi i huruga.”

Morahiramo tauna to moma nahombo, apa hirami to mantarima humawee to laitipa Alatala hi todea-Na.

“Komi etu mai ewa poi i dunia. Ane matawoodimi poi ee, hante napapi rapakapoiki? Momami naria bununa, wule ratadidimi pade ratodura tauna.

Etumo, kana mabelo mpuu ingkumi pade moma makahalaia, ewa ingku Tuamami i huruga.”

Ulimi io ane io. Ulimi moma ane moma. Habana, to nelabi lako ee mai narata lako Magau Heta.

Laiepemimi parenta owi, ane hema to mampakakeru ompina, hia mui kana rapakakeru. ‘Mata rapahawa mata, ngihi rapahawa ngihi.’ Naupawee, Ku'ulika komi, nemora mipehawai to nadaa ingkura hi komi. Ane maria to mampahapa peli kanami, waika mui'i peli kaimi.

Aji, ane mata kanamu mampakadohako, dungkimi pade tadimi. Aginapi hamika matamu malali, nemo romika matamu maria naupawee rateneko i rara naraka. Wee moto mui, ane pale kanamu mampakadohako, tompomi pade tadimi. Aginapi hamika palemu malali, nemo romika palemu maria naupawee rapahuako i rara naraka.