Juan 16 سے مشہور بائبلی آیات

شئیر

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Hata apvo'o ta Espíritu apto have niapak anke na niapom, hato ka eliangveskeskamhok ketlhengkap akto have niapak anke. Melhenek hata apankok apankek qaselha, vanlha ta elhenek aktemakha aplengai'a aniem'o Eniapom Neten apaivoma, eleltennaksek hata nhan akmak'akha ta nkovak qaselha apmaniaie ketlhengkap.

Melelmalhnekama mokhom ketlhengkap akieplomo asvesai'a nak, elelmalhnama toka, nkolhe ta allangko m'a, avanhek hata nhan ngkotnek alpaihekha apvalho'ok ketlhengkap ma'a.

Ntasek hato ka ngkotnek apkellangiemhaikama ketlhengkap netamen ko'o astaqhakhok hata, ngkanek evak hata apto Hengiatekho niapom, koka moniakho la m'a, mongvapaksek na m'a. Hata apvo'o ta m'a apto Henmasmo niapom, etlhenkeskeskakhok hata apvalho'ok enenlhet'avok apkellelto meleliehekho apkellaskamakha Eniapom Neten, apkellelto apkelpeivomo, apkellelto nhan aliekpelkammalhka apkeltemakha.

Nnavek na ketlhengkap, nkeliepvamengkek kolhvave nak, koka helvetakho ta mokhom nkolpaihekhak hata apvalho'ok, mamma ta nkomaskeksek alpaihakho ta apvalho'ok ma'a. Hata akvo'o ta aknem anak ma'a, nkomaskok hata helelmalhnengka ko'o, hato ka m'a elelmalhnama Eniapom akieplomo asvesai'a nak, ellangkok hata lhamakho qaselhaha m'a, have niapak ankek ma'a.

Have niapak anke ketlhengkap nkoliepvamangkok hata, nkaksek hata nhan apiapqalhema, koka enenlhet anak meliamolhma nkolpaihekha ta mota apvalho'ok, alhaie hato ka nkolpaihekhak na apvalho'ok ketlhengkap ma'a.