Juan 14 سے مشہور بائبلی آیات

شئیر

Askellangkek altaqmelaikama apvalho'ok ketlhengkap, mankapvankek enenlhet elanak ma'a, vanlha koka ko'o evanke'. Moltama nkek apvalho'ok ketlhengkap, mellaga nkek nahan akmak'o ta nkova.

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Lhta aptak Jesús apkellano apkeltamesaikamok: —Moltama nkek apvalho'ok, meliaskem na Eniapom Neten kakpota nhan ko'o.

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Enenlhet apto apmama takha henganemakha ehenkok anak, apkeliehekho nhan, koka hengka apto have niapak ankek heiasekhai'o. Ko'o kakpota nhan Tata angellamelemmok hata enenlhet anak, aiekpelkaskesalhkok hata nhan ehenkek ko'o m'a —lhta aptak apkellano Jesús apkeltamesaikamok.

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Elelmalhnama ta akieplomo asvesai'a nak apkeleltakha la qaselha, allangkok hata ko'o, netamen enenlhet'avok anak eliavenkaskesama ta nhan apvesai'a Eniapom aniem'o aptakha apkelanai'a Apketka.

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

Avanhe lhma apnakha Tata, aniakhak hata ko'o m'a alpeneskasok hata apkakhaiangkelha ketlhengkap ma'a, have niapak ankek ma'a. Netamen avatamok hato ka mokhom kakpota alaqlosengvatak ketlhengkap ham, hata angaqhengvakhak ma'a.

Avanhe lhma apnakha Tata, aniakhak hata ko'o m'a alpeneskasok hata apkakhaiangkelha ketlhengkap ma'a, have niapak ankek ma'a. Netamen avatamok hato ka mokhom kakpota alaqlosengvatak ketlhengkap ham, hata angaqhengvakhak ma'a.

Koka lhta aptak Tomas: —Apveske, mangeliohok apmak'akha emhangkok, mangeliohok na amai —lhta aptak.