Juan 1 سے مشہور بائبلی آیات

شئیر

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Tep nak nanek ampai'osekha apnengkek nak nanek ma'a Apaivoma. Apnengkek nak na napokha Eniapom Neten, apnemo pankek nak na m'a.

Ka apommatma nak nketsaskeskangkek na lhma aiseksek apienaqtesakha la lhma, mang nak na nkomovanak nkospankesek ienaqtesa lhma m'a apommatema nak ma'a.

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Apkellanei'akhasekha lhnak na nek lhamakho qaselha Eniapom Neten apmaikama lhnak ma'a Apaivoma kakpota elanak na m'a. Man nak elanai'a qaselha Eniapom Neten metko nlho apmaikama Apaivoma nak ma'a. Koka heng Apaivoma nak nietnengkek nak akiennaktema enneniek mankotnengvaianlha nnelha. Ka akiennaktema enneniek anak akto apommatma apieseksek enenlhet'avok lhmankek ham.

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Nnengkek nak nanek tep nak nanek hengke'e nalhepop anak, nkelanei'ak nak nanek lhamakho qaselha nalhepop anak aniem'o Eniapom Neten apmaikama m'a, koka menmaiangkok na takha enenlhet'avok lhmankek ham. Akvai'o lhnak ma'a apieseksek annemolhema ankek ma'a, koka apkeltaknongkek noka m'a.

Lhna nkeniemai'ak ma'a anketaiakmo akvai'akha nalhepop apommatema nak akto have niapak ankek atsaskeskama lhma ta aplhamakho enenlhet'avok.

Apmaikama lhnak Eniapom Neten Moises kakpota hengellangkok na ley apankok. Apmaikama koka nhan Jesucristo kakpota hengelvetaskesek hengamelaiam kakpota nhan apto have niapak ankek. Mamma enenlhet apvetai'o Eniapom Neten, vanlha koka apto Apketka apankek apvetai'o m'a. Apto nhan nengaqtek ankek ma'a, apnemo apankek na m'a. Hengetlhekmoskangke lhta nhan aptemakha Eniapom, avanhek anke lhta nhan hengeltaqmelkeskeskama nellaniemhaikama m'a.