Matié 6 سے مشہور بائبلی آیات

شئیر

Ga daragenga Leu do Kumu toi dang jomé go geddang go Kumu ba dari tumu jua, Kumu da begeng kané ga ba ji mam ba’.

Ddo keng solé kegero ca waindo ’eno, waindo danga homé goa bbala, ddo keng arné homé go labegé dang go waindo ’eno.

Na ca ma ’enung wa yegeng: Kual go do koi dang so ga keng wa abé gusugeng dang nagé na, ddo keng solé kegero caigé ’eno, kau ca badigé ga keng wa darégé ca gusugeng. Jomé goang cindegeng ddi do, gusugeng dda badigé ’eno ga?

Ama kiddin ga jia dar ca olé na, andang tain kulu, ji lebu tumu ddar, ji ’ula Bain go a duro wasuai lé, Bain go solé henga ga ji wa lo duro wasuai na, ddia boiin.

Ama ga ’ulagenga main kain: Baini go a dang ni, Dda kalang maga gusindin arin carara, Dda termala doin ’erang, Ké la henga ga kederein ba daregé duro delinya main ké wa logang dang ni kain bu’.

Bini do go bbaleni labegé

Buraga isinwa doni do ni wa loa main ni wa burogé kalang ga wa loni isinwa kain bu’.

Ddo ji orang nani duro gesaué ’eno, ama ji minyini a kuaba ddi gi Isini. [Cawa termala dang dono dang hormo na kain waindo waindo bera kuddum. Amin.]

Cawa keng nia burogé kalang isinwa dogé do ké wa logengang na, Baigeng go dang ni kau da burogé isinwa dogeng.

Ga selageng ceddong ga wa so dang dé, ké gesu ’eno bua, ké wal ’eno bua, ké bé duro tugulu ’eno bu’, ama Baigeng ga a danga wa abegé. Keng dda ceddung dang gemyai ’eno ga?

Ddo keng ddogé lainyong gogeng a duro delinya lé kua ’eno, na kiddin ga hagenyé dang yilua ca toinyégé bua, na kiddin ga koié gebu andong koiégé bu’. Ama ga ddogé lainyong gogeng a dang ni, na kiddin ga hagenyé dang yilua toinyégé ’eno bua, na kiddin ga koié geba andong koiégé ’eno bu’. Cawa kiddin ga lainyong goin wo kené na, ddaindin sia kené bu’.

Kema bbal go lo gié ca kagulong sua ’eno, ddi kainya go pena ama kederei ’ya koné, ddi jima geddang ca go pena ama ddi dura koné kel. Keng dang dono do lo gié go Kumu koi dang go laré koi bu’ ca’ ’eno.

Kumu bburoga hademé ga ké solgé duro yagé labegé, waindo ké begé cin tua do kurjo bbad bu’ ma, keng ddi hoddema ddo, ddi go bburogegeng dang badigé ga ddo ’eno ga? Bo cindi gogeng bbania mena ga?

Ama kiddin ga ji wa bogé kalang ga nyagé sandega do laré kalin na, ddo mondin go bajandin solé ’eno. Sandega doin do kalin lé na, ji boa duro wasuai, Bain go solé henga ga ji wa logé duro wasuai na, ddia boiin.

Lageng angal, gié gogeng go ddari go keng wa loi na, ddo keng loi cin kalang ca kandia pedegengang ’eno. Keng nia lé main kain na, keng go ’yo boié gogeng a kuaba Baigeng go dang ni ’eno.

Kiddin ga kenga wa lo asiam na, ddo keng koinyé nyagé main kalang ga babé ba lang kain ’eno. Ké ddaindé cindegé ca kalang mam na selagé ca ké wa lo asiam. ’Enung yegenga cindi waldong wang: Ké ’yé boié gogé ’enda. Ama kiddin ga jia wa lo asiam na, ji pelu cindin bua, ji dura cain sio bu’. Ca ddo kalang solé asiam doin do lo ’eno. Ama Bain go a duro wasuaia solé mera. Bain go solé henga ga ji wa logé wasuai da boiin.