Génesis 3 سے مشہور بائبلی آیات

شئیر

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Te chan ha bayel xan sp'ijil yu'un lo'loywanej a te bin ut'il spisil yantic chambahlametic ta q'uinal te pasticlambil yu'un Dios. Hich la yalbe te antse: ¿Hich bal la yalbat te Diose: Ma me xalo'be sit spisil te te'etic ayic ta ts'umbil q'uinal, xchi bal te Diose? xchi.

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

Hich la yalbe te antse: Ya cac' tohyuc awocol ta alajel; ay awocol ya x'alajat. Ya xc'oht ta stojol amamalal te sc'anojel awo'tan, soc ha ya scuentahinat, xchi sc'oblal.

Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

Soc la yalbe te winique: Te bin ut'il la ach'uhumbe sc'op te awihnam, te la alo'be sit te te' te la jcalbat: Ma me xalo'be sit, te xchihone, bohlobix sc'oblal te lumq'uinal ta acuenta, wocol yac ata awe'el ta lumq'uinal te jayeb c'ahc'al cuxulat.

La yal te Diose: ¿Mach'a la yalbat te mayuc ac'u' apac'? ¿Yu'un bal la alo'be sit te te' la jcalbat te ma me xalo'be te site? xchi.

Hich la sten loq'uel ta ts'umbil q'uinal te winic, la yac' querubinetic ta stojol banti ya xloc' tal c'ahc'al yu'un te ts'umbil q'uinal Edén, soc la yac' espada te yac ta tihlel te ya sjimulan sba yu'un ya smacbe sbehlal te te' scuenta cuxlejal.

Te Adán la ya'be sbihil Eva te yihname, yu'un ha nanil c'oht yu'un spisil mach'atic cuxajtic.