Joon 15 سے مشہور بائبلی آیات

شئیر

Dzə̀ mo kitiír, a vèn dzə̀ kén ji tám si. Wìr wo wù tíy e mǒ wùn, a m tíy vèr ŋgaàŋ, dzə̀ moo tám wo wú koom kijuŋ. A bó yòʼ dzə̀ wìr yiì kinyo ke ru kí gheéy, a bó ŋgaàŋ kù tíy e mǒ wùn.

Vèn kú a tiy a dzə̀ e mǒ wùn, é m nèn a tiy sa vèsən. Mo bó yòʼ dzə̀ tám kifa wú kòóm, a bó wú jáv a dzə̀ fó kitiír, dzə̀ réŋréŋ sá mo bó yòʼ dzə̀ vèn wàa yiì kinyo ke ru kí, a bó vèn yòʼ tíy e mǒ wùn.

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

A bó yòʼ dzə̀ wìr kòŋ wíri, e shaà yee ji wù fó kitú kfə́, e kpù fo ŋkar sə́ sí.

Wù yén tám wo bó wú yòʼ koomè, wù faà woo shooy. Lóo dzə wo wú koomè, wù nèn nàŋsín, e sə̀r ji wú fíʼ a koóm kijuŋ.

Yéem yee nsər ye m fó e vèn nén a dzə jii, wìr koŋ wùmòʼ réŋréŋ mo m koŋ ven.

Vèn lóo dzə moo tám wo wú koom kijuŋ, bo vèn kóʼor a dzə̀ yír Tàr wor, din ji vèn dzə̀ rú wír vém.

Jesus kfə́n a suúy jii, «Dzə̀ mo kitiír ké *vayin ke ru kí, Tàr wor nén a dzə wír wo wù náŋsin kitiír kee shooy.

Wìr wo bó wù yòʼ tíy e mǒ wùn nén a dzə moo tám wo á faàn, e màʼày, wú yúm. Á lo, á bàʼtí, e tòn a dzə̀ é və̀y.

M sùúy ne vinyo vìn e vèn ben, é kishéʼrì ke kí dzəə̀n e mǒ shiliv kí fíʼ a dzə sa e věn meliv, é vèn maysi rú, a ker kishéʼrì.

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Ke m tiir e věn wùn kí kù dzə̀ jii, vèn wáa kòŋnìn.

A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.