MARKU 14 سے مشہور بائبلی آیات

شئیر

Aba- Pho" we"- nao wa alhab' re qo" kad' boe" yaug ngad: ra". Amung: ce: qug: khai: khyag' qhui: ra" keim re ngo mae" yu: pye' byid: la,- ngadqere: ngo o: ra" khyo" mangad:- nao o: ra" khyo" ngad vashao: ga: akyu" mho' ra".

Naonhaung" wa ju" phyo' ru khyo magyo" lo" nae" qhid' mae" lha" mung: akyu" mho' na ge,- byo wa nug kao bau ngadqere: gaung sho: wa qam: nang" ra".

Airumung: ngo naonhaung" re dang za: ta" ru wa Ngaui Bau" Lau Dao: re kho" kyo" lo" ra" myid gye, geim" khyi" khao: ngo" mae ce: myiqe: re beim: so: nae" qhid' mae" yao: kad' ra" mau" zo" re ta" kyo" li" genae"- ga: ta" ra".

Alao" yao: wa yao: bam re- Nga" nhag' lam: shid naeqhi" yao: gyai kaug' qhui: ra"- naonhaung" cemae lha" mung: lao" na shige,- ga: ta" ra".

Amung: yao: bam zozo" na ko" au: Yesu wa mug re yu: yu yang:- Mao"So re jeju bin: caung: byid: lao" aire cug' phai" mung:- Yu zo: ge,- ce wa nga" gaung ngad: ga: ta" mung: mho"zo: qere gae byid' ra".

Yesu wa sabyi keim rere: yu: yu mung: Mao"So re jeju bin: caung: byid: lao"- mho"zo: qere byid' ra". Yao: bam alhab' ai: keim mae" shaug' ako". Yesu wa- Ce wa byu myo: sho' mo; qhid' mae" sheim: pye' ra" Mao"So: dao: thang" re dazid thaung" te' to" ra"- nga" sa: ngad:.

Yesu wa yao: bam re naonhaung" alhab' mo, ngore to: co' mung: tao" phao: byaug genae"- pe"mung:ga"re Jham: Mugsug' mae Mao"So wa yao zaung" yaug re se' mung: yao jham wa byo: sin" lo" byaug: li" genae"- ga: tung" to" ra".

To" ge,- ngonhaung" ye" lo" gelang: se,- Qu" ge,- ngore ab byid' pye' yaug wa joe" li" na: ava"- ga: ta" ra".

Yesu wa Petru re- ngo nao re ta" ru wa ana" myi yao: qo, shid' kheim: mateim shire nao wa ngore sam lhang ha: pye' li" nae"- ga: ta" ra".