LUKA 5 سے مشہور بائبلی آیات

شئیر

Bin lao" Yesu wa Simon re qid no; ra" khyo qui" ye: mung: ngo: myhi" nae" naonhaung" geim jham re khyo" ke' ge,- ga: ta" ra".

Simon wa tau: mung:- Asang we"- ngonhaung" wa amyi damyi khyeim mayab macam: kung" yang: re: ngo: dadau: re: mathe' kung"- ngadqere: ni" dao: thoe khyo" yang ngo wa geim jham re khyo" ke' nae"- ga: ta" ra". Yao: bam wa geim jham re khyo" ke' mung: ngo: dajham dataung geim" re the' lhaung" yu: ako"- ngo: saung" laug yang: yao: bam: geim jham lhao" re: alaug laug jad: lo" ra".

Yesu kam" wa yao: lhaung" kad' ru we' dakhyo: cae: tae" ra" jo, qo khyo ye" lo" mung: akyu" yemho' ra".

Ngo wa din:man: mo, re khai nae" qhid' mae" li" ru mangad:- Qobo qo" ra" mo, myid tha" nae" qhid 'mae" ngo li" ru angad:- ga: phaug' tau" ra".

Ceru re Petru myao lao"- Yesu khyid qao: mae goe, mung:- Asang we"- ngo wa qobo qo" yaug ngad:- ngo khyi" mae" phao: lo" wa,- ga: ta" ra".

Yesu wa yao: bam re Qao" zin" ra" mo, wa mocid' sara maqo ko" ngad: ra"- No mo, za: aqo: ako".

Yao: bam wa lha re qid yae mae lo" thang: to: mung:- alhab' re to" pye' co' yang: Yesu thao cao" ako".

Dalhang: mae" Yesu wa vogaung: dalam: mae na: jo; au:- ai: vogaung: mae dagaung: geim" mao gae: de; ra" byu dayaug na: ra"- yao: wa Yesu re myao lao" goe; pa" mung: Asang we"- nao o nug: re wa ngore qo" gai: shao: lo" nhao zai ngad: ra"- ga: ta" ra". Yesu wa yao" lo, yheim" ke' yang: yao: re tin: byid: zo" re" Ngo o nug: ra"- Gai: shao: lo" wa, ga: ta" ra". Ailao" jao" mao gae: gai: shao: lo" byaug: ra".

Ngadqere: Yesu lau thoe wa je: je: za: hau" nhao" lo" mung:- mo, byu qe ajham ataung wa yao" mungdao: re tae" gyo" yu nae" we' yao: bam: no phyo: gai nae" qhid' mae" Yesu jhao" zang" li" ako".