LUKA 22 سے مشہور بائبلی آیات

شئیر

Pho" we"- nao myid: o: ru ngad: re wa- ce: qug: khai: khyag' qhui: ra" keim re ngo mae" yu: pye' byid: la,- ngadqere: ngo myid: o: ra" khyo" mangad:- nao myid o: ra" khyo" boe" lo vashao:- ga: akyu" mho' ra".

Ngadqere: Simon we"- ni" lam khug: myid mabyo; lo" nae" qhid' mae" ngo akyu" mho' byid' to: va"- ngo jhao" nao dam: myid: phaug' lo lao"- nao wa ni" mao:nhaung: qere qam: laung: nyhad' tang byid: ca"- ga: ta" ra".

Alao" Yesu wa mug rere: yu: yu mung:- Mao"So re jeju bin: caung: byid: lao"- ai: mug re khyoe' phai" yang:- mho"zo: qere byid: mung:- ce wa naonhaung" qhid' mae" byid' pye' ra" nga" gaung ngad: ra"- ngore myid: beim: nae" qhid' mae" ceru kad' ge,- ga: ta" ra".

Ai we' dakhyo:- myi" xeim bin: zo: thao yao: wa sabyi keim rere: yu: yu yang:- yao: bam re byid: mung:- ce: keim wa naonhaung" qhid' mae" sheim: pye' ra" nga" sa" yang dazid thaung" to" ra" Mao"So: dao: thang" asag' ngad: ra".

Yesu wa yao" nhag' lam: aung khug mae dayin dayo: kham zo" na: ruyang qam: ke' mung:- akyu" mho' ra". Yao" gaung mae" bau kyoe: wa sa: we' dakhyo:- myid gaung khyo yug: gyo" lo" ra".

Ngadqere: naonhaung" wa ai we' dakhyo:- magai: ngad- Naonhaung" mae" qi" thao" ra" yaug wa ngai: thao" ra" yaug we' dakhyo:- ngad ca"- Au: jhaung wa daui daui yaug we' dakhyo: ngad ca".

Yesu wa Petru we"- nao re ngo ta" li"- ana" myi yao: qo, mateim shire nao wa ngore maba- ga: sam lhang ha: pye' li" nae"- ga: ta" ra".