LUKA 18 سے مشہور بائبلی آیات

شئیر

Ai: thao Yesu wa yao" mho"zo: qere khonhae" re: akyu" mho' na genae" qhid' mae" we' qam: mashan genae" qhid' mae" dao: tau" ci yang: yao: bam re mho" byid' ra".

Mao"So wa myi" re: na" re: mho' yao: na ko" ra" yao" byu qe: shad' mae ye, yang: tarha" din: vang" ra" khyo" dao: makho' byid: lo: na nae" i? Naonhaung" re ngo ta" geli"- Mao"So wa phyad phyad za: yao: bam: qhid' mae" tarha" din: vang" ra" khyo" dao: kho' byid' li" nae"- ngadqere: Byu: Yao: Zo: joe" li" ra" ba na mae myid gaung dao mae lam khug: myid re li" the' myao shinae" laug?- ga: ta" ra".

Yesu wa tau: mung:- Byu: yang maqo" kad' boe" ra" ja: alhab' re Mao"So wa qo" kad' boe" ra"- ga: ta" ra".

Ngadqere: tarha" zug: pho" wa ba na myao" sho' dao: makho' byid: lo: na: ra". Thao re tarha" zug: pho" wa- ngo wa Mao"So rere: magyaug- byu rere: maphug' yaug ngad:- Ngadqere: ce:- cug' mo" myhi" wa ngore khin jang: na: ruyang tarha" din: vang" ra" khyo" yao" shad' mae ye, yang: dao: kho' byid: nae"- ngo airu: makad' re wa yao: wa ngojhao" dazab zab li" yang: lo" thao" mae ngore gyai myid myaung: nhao: li" nae"- ga: yao" aung khug mae ta" ra".

Cere xam" to: ge,- Khag' ngadqere: Mao"So: mung"dan: re ce: zoshao dayaug we' dakhyo:- makhae: yu: ra" yaug wa ai: mung"dan: khug khyo maqo" vao ye: nae"- ga: ta" ra".

Ngadqere: Yesu wa zoshao qere yao: jhao" khai: yu yang:- ai: zoshao qere ngojhao" lo nhao: ke' ge,- yao: bam re datam" to: ge,- pe"mung:ga"re Mao"So: mung"dan: wa airu" mo; mung"dan: ngad: ra".

Yesu wa yao: re- Ni" myo, myao: li" vashao:- ni" lam khug: ra" myid wa nao re myo, myao nhao: ava"- ga: ta" ra".

Yesu wa yao: re Nao ngore- pe"mung: gai: ein: ta" i? Mao"So mae" je yang: gai: ru khag' re: mana