मत्ती 19 سے مشہور بائبلی آیات

شئیر

येशूगी खुङया़ला ज़ी़दी सुङ नाङसीन, “दि मिहया़ लाहमले ओहङॱराङ मी़हखुएँगी केच्‍या यिहम्‍बा, यिहॱनाङ किन्‍ज्‍यो लाहमले थाम्‍ज्‍यीराङ डुप ख़ूएँ।”

ता़ह खुङ ङ्यी़, ङ्यी़ मिहम्‍बा, यिहॱनाङ ज़ुबु च्‍यी़राङ ओहङगे। ओ़ह सोङबे किन्‍ज्‍योगी का़हन्‍दीला ङ्याम्‍बुराङ जोम च्‍य़ूदी येहबा, ओ़हदीला सु मिहगीॱआङ खा माहफ़ेज्‍यु।”

येशूगी खुङया़ला सुङ नाङसीन, “च्‍यि ख्‍याया़गी सुङरापला टा़हदी म़ेहबा? तोहङस्‍यो किन्‍ज्‍योगी मिहला क्‍येप-ख्‍योवा दाङ पी़हमी-पेहजा ज़ो नाङसीन। ‘ओ़ह सोङबे क्‍येप-ख्‍योवागी राहङगी आबा-आमाला क्‍युर ज़्‍या़दी राहङगी पी़हमी ङ्याम्‍बुराङ तेहकें ओहले खुङ ङ्यी़दी ज़ुबु च्‍यी़राङ ओहङगे।’

यिहॱनाङ येशूगी सुङ नाङसीन, “पेहजाया़ला ङाहसाला ओहङ च्‍य़ूदोङ, खुङया़ला मा़हका! च्‍यिबेमाना स्‍यिहङगामगी क्‍याहल्‍सीनी दि ल़ेहमुया़गी तेहन्‍दालाराङ यिहम्‍बा।”

यिहॱनाङ ताहन्‍दा तोहङला येहकेनया़ तिङला लिहच्‍ये येह ओहले ताहन्‍दा तिङला येहकेनया़दी तोहङले ओहङज्‍ये येह।”

ङाहगी तेहन्‍दाला राहङ खाङबागी आदा-नो़ह, आज्‍यी-नुहमु, आबा-आमा, पुह-पोहमो दाङ खाङसा-स्‍यिहङसा क्‍युर्केन्‍दीगी दि म़ेदी लेहमा क्‍याह च्‍यी़ ल्‍हाक्‍पु ज्‍योर्च्‍ये येह ओहले नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।

येशूगी खोला सुङ नाङसीन, “ख्‍ये थाम्‍ज्‍यीराङ से़हया़ला टाहङबु डोज्‍ये सेम येहसीमाना, काहल्‍दी ख्‍ये ङ्याम्‍बु का़ह येहकेन्‍दी थाम्‍ज्‍यीराङ क्‍युहया़ चोङदी ओहङग्‍योगी टाङगाया़ प्राङबुया़ला तेर, ओहले ख्‍येगी स्‍यिहङगामला क्‍युह ज्‍योर्च्‍ये येह, ओहले ओहङदी ङाहला ताहदा क्‍याहप्‍ती स्‍यो।”

येशूगी खोला सुङ नाङसीन, “ल़ेह या़हबुगी तेहन्‍दाला ख्‍ये ङाहला च्‍यिबे टी़हगे? या़हस्‍योनी च्‍यी़राङ ज़्‍य़ू नाङदी येहबा। ख्‍येला नाहमॱआङ मिहस्‍यीएँगी मिहली ज़ाङबु ज्‍योर्च्‍ये सेम्‍बा येहसीमाना किन्‍ज्‍योगी काया़ला ची़नाङ डुप्‍तोङ।”

येहपाराङ ङाह ख्‍याया़ला माएँ, मिह छ्युक्‍पुला स्‍यिहङगामकी क्‍याहल्‍सीला स्‍य़ूहगे म़ेदीनी ङाबुङला खापकी मी़-ओङले स्‍य़ूहज्‍येला गा तेहमु ओहङडो।”

त़ेदोङ, ङाह ख्‍याया़ला माएँ, छ्येउ-छ्येंमुगी तेहन्‍दाले मिहम्‍बा लेहमेन तेहन्‍दागी पी़हमीला क्‍युर्ते राहङसा पी़हमीला पा़हमा पेहकें क्‍येप-ख्‍योवागी छ्येउ-छ्येंमुॱराङ पेहकें। ओहले का़हन्‍दीगी ओ़ह क्‍युरक्‍यो पी़हमीला पा़हमा पेहकें ओ़हदीगीॱआङ छ्येउ-छ्येंमु पेहकें।”

ओ़ह तिङले येशूगी राहङगी स्‍याहप्‍च्‍यीया़ला सुङ नाङसीन, “तेहम्‍बाराङ ङाह ख्‍याया़ला माएँ, मिह छ्युक्‍पुला स्‍यिहङगामकी क्‍याहल्‍सी नाहङला स्‍य़ूहज्‍येला ज्‍यिबुराङ का़हबु येह।