Mt 6 سے مشہور بائبلی آیات

شئیر

Rod plito Rwayom Bondie ek so lazistis, e tou lezot kiksoz li pou donn zot anplis.

Alor, pa bizin trakase pou dime, les dime get so zafer. Traka enn zour li ase pou zordi.”

Akoz samem mo dir zot: pa fatig zot ar zot lavi, ar seki zot pou manze ou bwar, ar labiyman zot lekor. Eski lavi pa pli inportan ki manze, e lekor pa pli inportan ki linz?

Me twa, kan to priye, rant dan to lasam, ferm twa andan e priye to Papa ki la dan sekre avek twa; to Papa ki trouv tou saki to fer, li pou rekonpans twa.

Gete kouma zot bizin priye: ‘Nou Papa lao dan lesiel, ki to nom sanktifie. Fer to regn vini realiz to volonte lor later kouma dan lesiel.

Donn nou azordi dipin ki nou bizin.

Pardonn nou nou bann pese, parey kouma nou pardonn bann ki finn ofans nou.

Pa les nou tom dan tantasion Me tir nou dan lemal.’

Si zot pardonn lezot zot fot, zot Papa dan lesiel pou pardonn zot osi

Get bann zwazo dan lezer, zot pa ni seme, ni rekolte, ni ramase dan grenie, e pourtan Bondie Papa ki dan lesiel nouri zot. Eski zot pena plis valer ki zwazo?

Pa ramas trezor lor later, la kot lever ek larouy kapav detrir li, e kot voler kapav defonse pou kokin. Ramas zot trezor plito dan lesiel, la kot ni lever, ni larouy pa kapav detrir li, e kot voler pa kapav defonse pou kokin, parski la kot to trezor ete, to leker osi li lamem.

Personn pa kapav vinn servi de met. Swa li air enn e kontan lot la, oubien li atas li ar enn e mepriz lot la. Zot pa kapav servi de met.

Si Bondie abiy enn karo lerb parey, ki zordi pe pouse e dime pou brile dan dife, eski li pa pou abiy zot ankor pli zoli ki sa? Ala zot lafwa mins la!

Me twa, kan to fer lasarite fodre to lame gos ignor seki to lame drwat fer, fodre ki to bonaksion res sekre; to Papa ki trouv tou saki to fer pou rekonpans twa.

“Tansion zot pratik zot devwar relizie devan lezot, zis pou lizie lezot; sinon zot pa pou gagn rekonpans ki sorti kot zot Papa dan lesiel.

Kan zot fer karem, pa bizin fer lakagn, kouma bann ipokrit, zot fer long-long figir pou montre lezot ki zot pe karem. Laverite mo dir zot, zot finn fini gagn zot rekonpans; me twa, kan to zene, parfim to latet, lav to figir bien prop, pouki lezot pa rekonet si to pe fer karem, me to Papa ki invizib, li trouv tou saki to fer anprive e li pou rekonpans twa.