Rioiatatokenti Luc 12 سے مشہور بائبلی آیات

شئیر

Eh kati oni niso naseȣaier, seȣatateȣeionnen-taonhak: aseken tsinonȣe ne iah tenseȣarhareke eh nonȣe nenraȣe nʼOnkȣe Roienha.

Neh tanon taseȣatierent seȣesak ne Niio raonakerasera, nok ne kenh iohaȣiton akȣekon nehne ok tatontotsiseȣaȣentastse.

Sekon enhenron: Seȣatkatto, tosa seȣaskennha-sehak: aseken iah othenon taiakoiatakennhaste ne tohkiok oni naontaiakostsokoȣahakc.

Aseken tsinonȣe nikaien ne seȣastsokoȣatsera, eh ki oni ienkaientake ne seȣeri.

Onka oni tsinitsion nehne niiateshatastsnie ahakȣeni skaiosa nahatatneniestste?

Ethone ȣasakaȣenhase ne raotiokȣa: Neh ȣaonni ȣakȣarori: ne tosa taeseȣatatenikonrharen ne tsionnhekȣen, nahoten aeseȣake, oni aeseȣatseron-niate.

Icioho akȣekon ȣasheton tsinikon seȣanonkȣ serote, Tosa kati seȣateronn senhase ise seȣaiatanoron tsiniiot notsitenhokonha.

Tosa seȣateronn, seȣententsihon nitsion ok; thonikonriiohonse no Etsiseȣaniha naetsitsion ne raonakerasera.

Tescȣaiatoret tsini kontiierha ne tsiokaȣe: iah tekontiienthos iah oni tekontiienthokȣas, iah oni teiotinonsoton, nok sane akȣekon sakohnontens ne Niio: toh onte senha isih nonȣe niseȣaiatanoron tsiniiot notsiten hokonha.

Tosa kati saseȣatonhek: nahoten enhiakȣake? nahoten oni enhiakȣanekiia? tosa teseȣanikonra-netak.

Tokat nonȣa eh niiore tsi tehasnie no Niio nonhontessonha, nonȣa kenh iohniote, nok enhiorhenne enkaiakon ihsi ienȣation; ise kati onteken akȣa iataiseȣaiatanikonrhen, seȣanikonrasto.

Aseken iah tekaien neioteriȣaseton ne iah taka-tokensere; iah oni ȣene taontonsere ne kariȣaseton.