Neto'te 17 سے مشہور بائبلی آیات

شئیر

Ngelaṅ ze Abram kum ngu'njù ntshob bwe'e ṅam bwe'e là, Tshùaben ṅwag mbaṅ i ntshob yi ndù: Me b'a Nsi Nganeta ntshùate, ke nzin mbwe àm, mbe kelo'.

Bo ke bèn netsiaṅ o Abram, là lén so tù' b'a Abraham, nummbe me nsi ghù o tù' tànjam ngôngô yàme.

Me nsi wat kàn bag wù, wat kàn bag nzwil o, ndùlala num ngu'ngu', kàn sen nà tswe matmat, ndùlala ndù me be Nsi o mba ze nzwil o.

Tshù kàn se me wat bag wù li: O nsi tù' tànjam ngôngô yàme.

Là Nsi bèn ntshob ndù: A ke b'a ndùlala! Kua' nzwi o Sara nsi bwe mén mandum wù, o yab lén se ndù Isak. Me nsi wat kàn bag yi, wal à kàn s'a tswe matmat là, mba bag nzwil i.

Me nsi fà ngô z'o be ngùn ntùm bwe là wù bin nzwil o, boa njoṅ ngô Kanaan fa, a tù' yu matmat. Me nsi be Nsi zin.

Abraham vù nsi kabkab nzwi i, ntshob ntùm ntù i ndù: Be mandum z'a ghù ngu'njù nkù là bwe mén mandum ké? Be Sara z'a ghù ngu'njù ṅam bwe'e là bèn mbwe ké?

Nsi tshob Abraham ndù: O ke bèn ntsiaṅ nzwi o ndù Saraï, là lén se tù' b'a Sara.

Bin ghù bo si ngub ntshu ket sine. Yen nà b'a keki kàn s'a be netèt be là.

Me nsi wat kàn bag Isak ze Sara nsi bwe wù là be num sen lé'njù li ngumo'.

Mén mandum nkum lé'njù fom netèt bin bo si ket se; bin ke ngù ndùlala num njoṅ zwiaṅ njù fa; k'a b'a kuan tse bo bwe yub ntùm ndà ke tse bo jun yub ntshùanze lo, mb'a bwô ndù bo si ket se. Bo nsi tshebte kàn sàm mum mbàb wut zin, nedù a tù' kàn s'a tswe matmat là.