ማ̈ርቆ̈ሳ 12 سے مشہور بائبلی آیات

شئیر

ዬሱ̈ሲ ኢ̈ኮ “ዎይ̈ፖ̇ ሺዝ ጾ̈ሳ̇̇ ኪ̈ቲንዳ ‘ኢስሬ̈ል ዎርዣ̈ዶ! ሲስካ̇ቤ፥ ጎዳ ኑ ጾ̈ሳ̇̇̈ዲ ፔቲ̇ ጾ̈ሴ̇። ኔ̈ኒ ኔ ጎዳ ጾ̈ሳ̇̇̈ዳ ፎቲ ቡ̈ዳባራ፣ ፎቲ ቆፊባራ፣ ፎቲ ዎልቃባራ ዶሳቤ’ ናምኢንዳሬ ‘ኔ ኔ̈ና ካዚንዲፌ̈ኒ ኣስ ዎይ ካቤ’ ዪዝ ጋ̈ዚንዶ። ዪን ናምኣንፖ ኣ̈̇ዝ ሜላ ኪ̈ቲ ባዬ̇” ጋ̈ር ማሂዴ።

ዬሱ̈ሲ ፌ ታማ̈ራን ጼይጋሪ “ቴ ዪንታ̇ክ ኪን ጋ̈ሬ፥ ዓና̇ ሳ̈ጺኒን ጋርታ̇ ሚ̈ሺ̇ ሚሺኖ ኣሳን ዎይን ጋርታፖ̇ ሺሻር ቶጚኖንዳ ኣስኒ ኢዝቦ ዓይቂ̇ኖን ዓና̇ ዎርባዪንዶ። ኣባ ጌዬጌይንዶ፥ ሜላን ዎይ ፌ̈ብ ዎ ቆሊን ጋርታፖ̇ ፌ̈ብ ጊዳር ሺኖ ባዝ ሚሺኔ። ኢዛ ዎርባያዶ̈ራ ፌ̈ብ ኣባካር ኣሻ̇ካ̇ይዶ̈ራ ዎ ባዚን ዎይ ኤሄ̈ር ሚሻዴ” ጌይዴ።

ዬሱ̈ሲ ጾ̈ሳ̇̇ ኬ̈ን ጋርታ ማባ ሺ̈ሺ̇ዝ ሳ̈ጺኒን ቲ̈ን ዶኢንዶ̈ን፥ ዎይሊን ኣሲ ሚ̈ሽ ኤሄ̈ር ሳ̈ጺኒን ጋርታ̇ ሚሻምባር ቤቂ̇ዴ። ዱራን ዎይሊን ሚ̈ሽ ኤሄዪ ሚሺዴ። ኣስኒ ዓይቂ̇ኖ ፔቲ̇ ማጫ̇ ዎርባያዶ̈ራ ፔቲ̇ ሳንቲ ላ̈ሚንታ̇ምፔ̈ኖ ናምኢ ባካ̇ና ኤሄ̈ር ቶጛዴ።

ጾ̈ሳ̇̇̈ዳ ፎቲ ቡ̈ዳባራ፣ ፎቲ ቆፊባራ፣ ፎቲ ዎልቃባራ ዶሳዚንዲኬ ኣስ ዎይ ኔ ቆሚ̇ንዲፌ̈ኒ ዶሳዚንዳ̇፥ ጾ̈ሳ̇̇̈ቦ ታማ ጋርታ̇ ሚቺ̇ኖ ዣ̈ርሽኬ ሜላ ዣርሻ ሺሻ̇ዚምፖ̇ ሺ̈ሬ” ጌይዴ።

ኢያር ጋ̈ሪ “ዓት ዪ̈ዶኮ ቄ̈ሳ̈ራኮን ቄ̈ሳ̈ራቦ፥ ጾ̈ሳ̇̇̈ኮን ጾ̈ሳ̇̇̈ብ ኢሚ̇ብቴ” ዪዝ ጋ̈ር ማሂን፥ ኢንታ̇ር ኢ ሶ̈ሊ ማሂኖ ሶ̈ሊንባራ ጋራ̇ሚንቲዴ።