لوقا 6 سے مشہور بائبلی آیات

شئیر

ؤُشم-اَسن إِ يِوْذَان، أَتَاف اَذَاوم يمُّوْش. أَذَاوم يمُّوْش ڒَعْبَر ذ اَصبْحَان ذݣ وَاحْسِي ن وزدْجَاب نْوم، أَث سْهزّن اَث ذكّْنن حتَّا اَذ ينْفيّض. ڒَعْبَر إِي ثْسخْذَامم ذ ونِّي إِي كِذْوم غَا يسخْذم أَربِّـي."

بْنَاذم اَصبْحَان يسُوْفُوْغ-د مِين يدْجَان ذ اَصبْحَان زِي ڒْكنْز اَصبْحَان ن وُوْڒ نّس. بْنَاذم اَعفَّان يسُوْفُوْغ-د مِين يدْجَان ذ اَعفَّان زِي ڒْكنْز اَعفَّان ن وُوْڒ نّس. ڒَاحقَّاش اَقمُّوْم ن بْنَاذم يسَّاوَاڒ مِين يدْجَان ذݣ وُوْڒ نّس.

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

رحْمث يوْذَان مَامْش يرحّم بَابَاثْوم.

وَار تْعيَّابم حَدّ حمَا وَار كنِّيو يتْعيِّيب شَا أَربِّـي. وَار تْزَاوَاڒم حَدّ حمَا وَار كنِّيو يتْزَاوَاڒ شَا أَربِّـي. سمْحم إِ يِوْذَان، أَذَاوم يغْفَر أَربِّـي.

أَذَاوم ينِيغ آ يِنِّي يتْسْڒَان: خْسث ڒْعَذْيَان نْوم، ݣّث ڒْخِير ذݣ يِنِّي كنِّيو يتْعِيفَّان. بَرْكث ونِّي إِي كنِّيو ينعْڒن، تَّارث إِ أَربِّـي خ يِنِّي كنِّيو يتْعدَّابن.

مَامّش تخْسم اَذَاوم ݣّن يِوذَان، ؤُڒَا ذ كنِّيو ݣّم-اَسن اَمنِّي.

ونِّي ش غَا يُوْوْثَان غَار ومݣِّيز نّش، ؤُش-اَس شك ؤُڒَا ذ اَمݣِّيز نّش نّغْنِي. ونِّي ذَاش غَا ييْسِين اَزدْجَاب نّش، اجّ-يث شك اَذَاش ييْسِي ؤُڒَا ذ ثَقْمِيجَات نّش. ونِّي ذَاش غَا يتَّارن شَان ثْمسْڒَايْث، ؤُش-اَس-ت. ونِّي ذَاش غَا يكّْسن ثِمسْڒَايِين نّش، وَار ث تتَّار شَا اَذَاش ثنْت يَارّ.

وَار ثدْجِي ثْشجَّارْث ثَصبْحَانْت تَارو مِين يدْجَان ذ اَعفَّان. وَار ثدْجِي عَاوذ ثَشجَّارْث ثَعفَّانْت تَارو مِين يدْجَان ذ اَصبْحَان.

مِينْزِي كُڒ ثَشجَّارْث ثْظهَّار-د س مِين تَارو. وَار د ڒقْذن بُو ثَازَارْث زݣ يسنَّانن. وَار د تكّْسن بُو وضِيڒ زِي ثْزݣّْوَارْث.