Лука 12 سے مشہور بائبلی آیات

شئیر

Ли тумэ камэл тэ овэн газыря, вай о Чяво о Манушыкано кан авэл одова сагати, кана тумэ Лэс на ишандиен.

Родэн зиядэ Лэско Патишайлыки, тай ли адава кан овэл дино тумэн.

Тай Ов пхэнляс лэнги: — Сакёвэн, нашэн бичялимастар. О мангин э манушэско на сикавэл о барвалипэ э бэшымаско.

Вай катэ си тумаро барвалипэ, отхэ кан овэл ли тумаро ило.

Тай кон андар тумэндэ, касэвэтлыс, кан дулгярэл пэски бэшыпэ хоч екхе сагатески?

Дэчи о Исус пхэнляс Пэ сиклярдэнги: — Оничин Мэ пхэнав тумэнги: ма керэн касэвэти тумарэ бэшымаски, со тэ хан, я тумарэ тэнески, со тэ урявэн.

Ай тумэндэ джи о бала алаи опэр шэро гиндэ! Ма трашан — тумэ багалыдэс бутэ чириклендар!

Ма траша, тикни атара, вай тумаро Дад мангляс тэ дэл тумэн о Патишайлыки!

Дикхен карин каргэс, он на барярэн ли на кидэн, лэндэ нанай араня, ай о Дэл хавдярэл лэн. Сокаборэски тумэ багалыдэс адалэ чириклендар!

Ма родэн, со тумэнги тэ хан я со тэ пиен, ма керэн касэвэти адалэстар.

Ай о Дэл аякха тэ урявэл э чяр ки ливади, сави авдес си, ай рано кан овэл чити андэ пэчи, тай на кан урявэл Ов ли тумэн, залагпакяки?

Нанай ништо гаравдо, со на кан пхутэрдёлас би, ли нанай ништо биджянло, со на кан овэл джянло.