Ima̍tiyu 4 سے مشہور بائبلی آیات

شئیر

Iji̍sɔ̄ɔsi hīya anu̍ ɔkɔ hīka, “Īpū yī Ɔwɔ ka hīka, ɔ̄chɛ ɔ̍lɔ i̍ ē lɛ ɔhɔ̄leyī bū la ojōre̍ ojōre̍ ke̍e̍ mɛ ni̍. Lɛlā nīi ē bū la oko̍o yī Ɔwɔ ma̍ nīi ɔ̄chɛ ē lɛ ɔhɔ̄leyī la anu̍ a̍nɛ.”

Iji̍sɔ̄ɔsi da ɔ̍ hīka, “Chi̍i, ku̍ pīya, Isa̍tan! Īpū yī Ɔwɔ ka hīka, ‘Ala̍ ā ya̍ otūlichō yī Ādā nīi - Ɔwɔ yī ala̍ ma̍. Anu̍ lōri̍īnū nīi ala̍ ge̍ē hɔ̍chɛ̍ yī nū a̍nɛ.’ ”

Iji̍sɔ̄ɔsi da Ɔngūwɛ̄gā bɛ̍ɛ̄nɛ̄ hīka, “Īpū yī Ɔwɔ titi ka hīka ko̍ō! ‘Ādā nīi - Ɔwɔ yī ala̍ ma̍ ala̍ e̍e tu̍ ɔ̄ tū ni̍.’”

Bɛ̍ɛ̄nɛ̄, Uhu yī Ɔwɔ bī Iji̍sɔ̄ɔsi pīya ga lipu̍ a̍chi̍ chukuru nīi Ɔngūwɛ̄gā ge̍ē tu̍ ɔ̄ tū. Iji̍sɔ̄ɔsi hɔ̄ abɔ̍ɔ otu̍ ohu ɛpa, yɛnɔ ohu ɛpa. Yɛ̄grāa ɔla̍ā wa̍a̍, o̍ i̍ re̍ ɔjɔ̄jā ni̍. Lɛmiyɛ wā ge̍ ya̍ ɔ̄ bɛ̍ɛ̄nɛ̄.

Iji̍sɔ̄ɔsi da wa̍ bɛ̍ɛ̄nɛ̄ hīka, “Ala̍ ā pīya wā ba̍la ami; ma̍a n ge̍ē ngū ala̍ nīi ala̍ de ē pīya āchɛ ɔtwɔ̍tɛ̍ yī āchɛ̄ɛchɛ.” Ɔpɔ̄ɔpɛ̄ Isa̍yi̍mɔ̄ɔn ba̍la A̍ndru tu̍labɔ̄ hī a̍bagalā yī wā pīya ku Iji̍sɔ̄ɔsi.

Bū yɛ̄grāa ɔla̍ā, Iji̍sɔ̄ɔsi kū la ɛrɔ̄ yī nū la ɔkɔ̄kā de āchɛ hīka, “Ala̍ ā pīyabɔ̄ta̍ hī lɛlā ɔdwɔ̄bi̍ ɔyɔ̍ɔ̄ya̍ yī ala̍ gɛ! Yɛ̄grāa yī Ɔchwɔ̄lɛ̍ Oro̍ōre̍ yī Ɔwɔ de lɛ kurɛkurɛ mɛ̍!”