JAN 14 سے مشہور بائبلی آیات

شئیر

Nyimi mi mí bi gân ye ma ge. Mi ìn bi mi kân ye ma nɛ pa drunya hɛɛn pé na mi kanʔa pomo ma na ge. Yè lama mò gáa wlele ye na. Yò gáa fyaʔa kpo.

Jesu wɔ̀ɔ wí po: «Domi mí nyɛ kloʔò mà po kanyɛmɛ mà po nyuwyeʔe. Hɛn wà wóo gban bì no wa To na we na kruʔu na.

Jesu wɔ̀ɔ pé po: «Yè lama mò gáa wlele ye na. Ye pà Nyɛʔɛlɛ na le. Ye pà domi na we kpo.

Haʔafɔlɔ ŋa To wí bi droʔo naʔa ye ma na yele na le, wí bi ba ye ploʔo kaʔa kè bɛfu ní bì nì bì lama to ye na kaʔa kè bɛfu ní gee mi dáa nyu ye kan ge. Ki haʔafɔlɔ wiì wi ŋa Nyɛʔɛlɛ li Nyìli ní le.

Ŋa wí na na furu kayoro kpɔʔɔ de, paʔa bo mí na ki woo glanʔa we. Mí na hɛn ŋa glanʔa ge, ki woo wi naa na To glanʔa we. Pɔɔ da mì glanʔa we kpo. Pa mi nà tyɛʔɛ wí na.»

Mí bi yà na To nyɛri we wi haʔafɔlɔ wà troʔo naʔa ye ma nɛ jango wi baa gòrí naʔa ye nì su. Ki haʔafɔlɔ wí nyɛ Nyɛʔɛlɛ li Nyìli li, la lí nyɛ kanyɛmɛ yofɔlɔ we. Drunya hɛɛn pòo gban bìʔi ta li po pe haʔafɔlɔ, mɛjɛn poò na li nyaʔa. Pòo gban bì li cɛn. Di yèé yé ma li cɛn, mɛjɛn lí na kori wa ye nì. Lí bi bo wa ye ni.

Nà ye yraʔa o yraʔa ga nyɛri wí ma na yele na le, pa miʔi hanri ye kan, jango bì da To wi kmara teri de hɛɛn na be. Ee, nà ye yraʔa o yraʔa ga nyɛri ná ma na yele na le, pa miʔi hanri ye kan.

Nàʔa po mí na ye glanʔa ge, pa ye da na kayoro kpɔʔɔ de.

Korohara fafaʔara nyɛ wa To wi go nî ge. Nà ki ìn dì bo ban ge, mi dí bìʔi yo ye kan. Mí na sye bì yà deʔe kà hanri ye kan.

Nà mi ga gɛri bi yá deʔe kà hanri ye kan, pa mi hru bì ban naʔa bì ba ye kpe, jango, deʔe ga na mí nyɛ ge, ye po wa kpo.

Toma wɔ̀ɔ wí po: «Na fɔlɔ, má na sye deʔe ga na wo ìn ki cɛn. Pa woʔo po mɛlɛ bí ki kloʔò cɛn ge?»