Lukase 5 سے مشہور بائبلی آیات

شئیر

Ńgɔɔn nò tà ńtsẅé jʉ’, ńtsẅi né Símo ngie: Lɔgɔ kanú’, ńgíŋe ńgʉa tà ńkuu nà jʉ’ʉ ntse gie á me’e ssé, gu laa pʉ̀a pú lêen ńké ḿma’ menkÿò mí ntse lélɔg ńgwoon messó.

Símo tsɔ́’ ngie: Andè, peg lǎ’ pɔ́ légyá ngɔ́’, lémwoon ntse, ńké tè tsɔ́ lagá mmó gwoon. Tá’, pá’ kwà’ gù zɔ gɔ̌ɔn ngie mé gíŋe ḿma’ menkÿò ntse lɛ, mèŋ n ge ma’, ńgɔɔn pú’u, pâ pʉ̀a pé gʉa ḿma’ menkÿò tsɛ̀ɛ ntse, ńdɔg ńgwoon messó é gyɔ́ɔn gyɔ̌ɔn tà pɔ́ ne shwóŋó, menkÿò mɔ́b zye lézá’te.

Tá’, Yěsô ńnéŋe tà ńdu ssé ńgee jʉ’ gie nyìŋ tè wó wɔ́, ńgu’te Ssé.

Mèŋ n ka tè tó pɔ́ létóŋ pʉ̀a pie pɔ́ kwáŋ ngie pɔ́ ée pʉ̀a membòŋo ngie pɔ́ piŋe mbwo Ssé wɔ́. Mèŋ n ka tǒ ńtí pɔ́ megàŋ mefʉ̀a.

Símo Piɛ gyá yɔɔn nò gyǎ, tà ńgʉa ńnuŋe mekwò Yěsô, ńgɔɔn né yé ngie: Cʉ̀apʉ̀a, tsétsɔ’, fó lejʉ́ŋ mèŋ ńgʉa, mèŋ n gee pá’ɔɔn ńgwɔ́ nyìŋ tepòŋ mvfò Ssé.

Yěsô saga mbwo pɔ́b ngie: Ngwɔ́ nyìŋ le gwɔ́ ntentʉ́ ńgʉa fa’a ńgÿò meffo wɔ́. Nyìŋ guɔ tá fa’a yé.

Pɔ́ jú’ pú’u, ńdɔg mekanú’ ḿbiŋ lé ngʉ̀ŋe ntse, ńkúu wó, ḿbú ńnyé kɔ̀ɔkɔ́ɔ wɔ́, ńcʉ́me nzèm Yěsô.

Yěsô gwɔ́ lyɛ̌’, ńgwɔ́ tsɛ̀ɛ tsɔ́ tÿǒsoŋ. Tsɔ̌ nyìŋ gwɔ́ wó, mbà nkà’ léen ḿbú ńjÿó yé tɛ’. Á gyá Yěsô, ńdeen ńtó ńnuŋe mekwò yé, ésẅíŋte yé ngie: Cʉ̀apʉ̀a, n zsě ngie ɔ̀ lɔɔn ńkwoŋ, mbà ɔ̀ ku’u légÿo n zeŋe. Yěsô jú’, ńtsege pwó, ńkíbe yé, ńgɔɔn ngie: Mèŋ n kwǒŋ pú’u, zeŋé. Nkà’ gwoon ḿmaga ná yé.

Yěsô la tɔ’ɔ yé pú’u, mé ké ne ńkẅi’i ńkime yé kím, tà lá’ gíŋe ńkẅi’i ńtóo lé jú’u shwóŋè yé mbɔɔ légwɔ́ gie à ge zeŋe megùɔ mɔ́b.