Joh 10 سے مشہور بائبلی آیات

شئیر

Mwamba eejaga kwiya na kûûraga na kwînyangia akî. Ni mbîjîte nîkenda bûgîta ûtûûro, ûtûûro bûbûjûru.

“Ni nî ni mûrîîthi ûmwega. Mûrîîthi ûmwega airitaga na agakua nîûntû bwa ng'ondu ciaawe.

Ng'ondu ciaakwa nî ciigagua kajû gaakwa; ni nî nciijî, nacio nî inthingataga.

Ûûni nî mpeejaga ng'ondu ciaakwa ûtûûro bwa kenya na kenya; na itîkorokua, na gûtî muntû ûkoomba gûcirita kuuma kîrî ni.

Ni nî ni Mûrango. Muntû wonthe ûrîa ûgakûrûkagîîra kîrî ni akoonokua na agatonyaga na akaumagara na akoona gîa kûrîa.

Ni nî ni mûrîîthi ûmwega. Nî mbijî ng'ondu ciaakwa, nacio nî imbijî.

Baaba ûrîa ûnenkerete cio nîwe mûnene nkûrûki ya bonthe, na gûtî we ûûmba gûcirita kuuma ûmenyeriine bwaawe. Ûûni na Baaba tûrî kîmwe.”

O ta ûrîa Baaba ambijî naani nî mbijî Baaba na nî ncieejanaga gûkua nîûntû bwa ng'ondu.

Gûtî muntû ûûmba gûntuunya ûtûûro îndî nî ni ningwa ngûcieejana nîkenda nkua na kwenda gwaakwa. Ni ndî na inya ya gûcieejana nkua na ndî na inya ya gûtûûra kaîrî. Ûu nîu Baaba ambîrîte nthithie.”

Tontû bûû, Jesû arabeera kaîrî atî, “Ga nkûbwîra na mma atî, ni nî ni mûrango jûrîa ng'ondu ikûrûkagîîra.

Mûrîîthi wa kwaandîkwa, nîûntû tî mwene ng'ondu, oonaga mbawa îîjîte agatiga ng'ondu na akamatûka. Rîu mbawa îkagwata ng'ondu na ingî ikanyagana.

“Ga nkûbwîra na mma atî, muntû wonthe ûrîa ûtîkûrûkaga kiugûûne kîa ng'ondu atîkûrûkîrîîte mûrangoone, îndî agatonyeera antû angî, ûu nî mwamba na mûtuunyani.