Maj 1 سے مشہور بائبلی آیات

شئیر

Îndî rîrîa Roho Ûmûtheru akeeja kîrî buî bûkagwata inya, naabuî bwee akûûjî baakwa Jerusalemu, na Judea na Samaria na nthîgûrû yonthe.”

Îndî Jesû arabeera, “Gûtî gîtûmi gîa kwenda kûmenya, nîûntû îgiita kana kiingo kîa mantû jaja nî Baaba wenka ûtuîte kûringana na Waatho bwaawe.

Rîrîa boothûranîte amwe nî aabeerîre ûjû, “Bûkáuma Jerusalemu, îndî eteereni kîewa kîrîa Baaba eeranîrîte, nakîo nî kîrîa bwaigîrue nkîaria mantû jaakîo. Nîkwîthîrwa Johana aabatithanagia na rûûjî, îndî nyuma ya ntukû inkai, buî bûkabatithua na Roho Ûmûtheru.”

Jesû akûriûka nî aacionanîrie kîrî atûmwa baawe kagiita ga ntukû mîrongo îna, na araritana mantû jegiî Ûnene bwa Mûrungu, nîkenda bamenya buru atî arî mwoyo.

Akuuga ûu, araitia îgûrû bonthe bamûtegeete na îtu rîramwitha batîmwoone kaîrî.

Bategeete îgûrû, baroona antû baîrî beekîrîte nguû injerû barabaumîîra ntûti na bararûngama akuî nabo barabeera, “Antû ba Galili, nîmbi îtûmîte bûrûngama aja bûtegeete îgûrû? Jesû ûûjû wajûkua kuuma kîrî buî aitia îgûrû, agacoka kaîrî o ûu bwona aitia îgûrû.”