TAUNET 6 سے مشہور بائبلی آیات

شئیر

Kiibwat Jehovah kole, kima ko ta mie, koyai chi eng’ ng’ony, ak kigas ng’wanindo eng’ muguleldanyi.

Ak kigeer Jehovah kole, O mising’ tengektab chi eng’ ng’ony, ak kole, kabwatutik tugul che bo muguleldanyi ko tengekto kityo betut age tugul.

Ago kichamak Noa eng’ taitab Jehovah.

Chu ko ortinwekab Noa. Ki chito ne bo imanda Noa, kiigesunotgei eng’ ibindanyi: kibendoti Noa ak Kamuktaindet.

Ak kimwa Jehovah kole, Abere awong’u bik che kiatau ayai eng’ ng’ony komugul; kong’eete chi, ak tiony, ak ne ichuutegei, agoi tarit age tugul ne bo barak; kima ko ta mie ayai ichek.

Ak ye kingotoi kotesogis bik eng’ ng’ony, ak kigisikyi ichek tibik, kogeer anyun werikab Kamuktaindet tibikab bik kole kororon; ak kiimutygei tugul che kilewen koek kwonyikwak. Ak kimwa Jehovah kole, Mabortos Tamirmiriennyu ak chi agoi, amu inendet ko borto: eng’ noto anyun, egu betusiekyik kenyisiek bogol ak tiptem. Kimitei Nepilik ng’ony eng’ betusiechoto, ak kogeny ye kingobata noto, ye kingotuiyogei werikab Kamuktaindet ak tibikab bik, kosikyi ichek lagok: koek lagochoto bik che ki nyigonen, choto ki bo keny, murenik che ki toogunotin.

Ak kiyai Noa ko u noto; ko u tugul che king’at Kamuktaindet inendet, kiyai anyun.

Kilenji Kamuktaindet Noa, Kagoit tainnyu kagesunetab borwek tugul; amu kanyi ng’ony koromnatet amu ichek; eng’ noto anyun, ang’eme ichek koboto ng’ony.

Yachigei melit ne bo ketikab taragonik; ak ipchei gorik che mengechen eng’ melit, ak imale manget orit ak sang’.

Ak kigeer Kamuktaindet ng’ony, ogeero, kigong’emak; amu king’em bik tugul ortinwekwak eng’ ng’ony.

Ak igetu alak eng’ tuguk tugul che soptos che bo borwek kobwa melit orit, aeng’ aeng’, che bo oret age tugul, si irib kosopcho koboten; lewen kirgit ak ne kotoy.