TAUNET 28 سے مشہور بائبلی آیات

شئیر

Ak keero, ami koboten, ak aribotin eng’ oldo tugul ole iwendi, ak tun amutun inyo emoni kogeny; amu mametoin agoi tun ayai tugul che kaamwaun.

Ak kitononi Jehovah eng’ ye negite inendet, ak kile, A Jehovah, Kamuktaindet ne bo kwandang’ung’ Abraham, A Kamuktaindet ne bo Isak: agonin emoni irue, koboto lagoguk

Kigos anyun Jakobo eng’ ruondo, ak kole, Mi Jehovah olito iman; ago koma anai.

Ak kiiyosio Jakobo, kole, Ngot koteb Kamuktaindet kobota, ak koribota eng’ orani awendi, ak kobaata, ak kogona ngoroik che alaachi, agoi tun aweekyige gotab baba eng’ kalyet, koek anyun Jehovah Kamuktaindennyu, ak koek gotab Kamuktaindet koita ni kalumde koek toloita: ak agonin iman kebeberta ne bo taman eng’ tuguk tugul che igona.

ak tun tenitu lagoguk temburiekab ng’ony, ak iyomu cherongo ak kong’asis, ak murot ne bo katam, ak murot ne bo tai: ak kiberuri ortinwek tugul che bo ng’ony eng’ inye ak eng’ lagoguk.

Ak kitochi yoto kainet koguure Betel: ago kigiguure nganasanato eng’ tai Lus.