PANDARIADDI 15 سے مشہور بائبلی آیات

شئیر

I Abram nangimante MAWU, wuṛṛu ana waugu udde MAWU nanengkamma lai si tou maola'a taumata apan ma'al᷊uassa naung-Nge.

Wua'udde, i Abram naasomba sondappa wuṛṛu naaringikka MAWU nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

MAWU nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

Wua'udde i Abram naaringikka MAWU nabbisara si tou apia, “Wal᷊ine allangngu apan sarun mamusa'a darotongngu, ewe'e anangngu esakka sassane.”

MAWU nabbisara si tou, “Paanaunge, papapulunnu sarun mabbal᷊i taumata raho su wanua waine; i mangitou sarun maola'a allangnga poiaroddi wuṛṛu sarun mattaṛṛuallangnga appattu ṛasutta su tonnane al᷊annune.

Arawe i Abram nabbisara, “MAWU Apan Atanggaṛṛanne, MAWU tawe nangonggollu ana'a si ya'u. Taumata apan mamusa'a darotongku tumba'u i Eliezer, allangku wuassu Damsyik. Nariaddi apa hunane MAWU mangonggollu lal᷊antakke si ya'u?”

Su tempo udde lai MAWU na'ola'a pa'aire ringanni Abram. MAWU nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”