Naanearü ügüchiga 9 سے مشہور بائبلی آیات

شئیر

Rü ñaa tá nixĩ i norü cua̱xruxü̃ i ngẽma chorü uneta i guxü̃gutáma ngẽxmaechaxü̃ i pemaxã rü guxü̃ma i naeü̃gümaxã chaxueguxü̃. Rü dücax, rü caixanexü̃wa tá chanango̱xẽxẽ ya yimá chorü chirapa nax yimáwa nüxü̃ pecuáxü̃ca̱x nax aixcüma yixĩxü̃ i ngẽma pemaxã rü guxü̃ma i ñoma i naanewa maxẽxü̃maxã chaxueguxü̃.

Rü ngẽxguma caixanexü̃wa nango̱xgu i chirapa rü tá nüxna chacua̱xãchi rü tagutáma nüxü̃ charüngüma i ngẽma uneta i namaxã chaxüxü̃ i guxü̃ma i duü̃xü̃gü rü naeü̃gü i ñoma i naanewa maxẽxü̃. Rü ngẽma chirapa nixĩ i norü cua̱xruxü̃ i ngẽma uneta i namaxã chaxüxü̃ i guxü̃ma i duü̃xü̃gü rü naeü̃gü i ñoma i naanewa maxẽxü̃ nax tagutáma wena mucümaxã chanadaixü̃ i duü̃xü̃gü —ñanagürü Noéxü̃ ga Tupana.

Rü tá nüxna chaca i ngẽma duü̃xü̃ i wüxíexü̃ imáxü̃ rü tá nayu. Rü ngẽma naexü̃ i duü̃xẽxü̃ imáxü̃ rü norü maxü̃maxã tátama tüxü̃ naxütanü. Rü wüxichigü i duü̃xü̃ rü tá nüxna chaca naxca̱x i namücüarü maxü̃. Rü ngẽxguma texé wüxi ya duẽxẽxü̃ ima̱xgu, rü tá to i duü̃xü̃ tüxü̃ nima̱x erü tüxü̃ tima̱x ya yíxema Tupana nügüraxü̃ãcü tüxü̃ üxe.

Rü Tupana rü ñaa mexü̃ ga dexa Noémaxã rü nanegümaxã naxuegu, rü ñanagürü: —¡Pimu rü penapaxẽxẽ i ñaa naane!

Rü guxü̃ma i naeü̃gü i ñaa naanewa ngẽxmagüxü̃ rü nanetügü rü name nax penangṍxü̃. Erü choma rü marü pexna chanaxuaxü̃ i ngẽma.

Rü guxü̃ma i naeü̃gü i ñoma i naanewa ngẽxmagüxü̃ rü tá pexü̃ namuü̃e. Rü pexme̱xwa chanangexmagüxẽxẽ i guxü̃ma i ngẽma íxüüüxü̃, rü ngẽma waixü̃mügu ixĩxü̃, rü ngẽma márwa maxẽxü̃.

Natürü i pemax ¡rü pimuxacü rü penapaxẽxẽ i ñaa naane namaxã i pexacügü rü petaxagü! —ñanagürü.