LUKAS 6 سے مشہور بائبلی آیات

شئیر

Enjuakkala mangku kamu ka dienju'i. Takaran diau iluak diau la ditakari lenat lagi penua ka dienjuakka ngan kamu. Takaran diau kamu pakai ngan jemau ka dipakai pulau batan endak kamu.”

Jemau iluak ngerjauka setu diau iluak, karnau atiau iluak nian. Jemau ja'at ngerjauka setu diau ja'at, karnau atiau ja'at nian. Tuapau diau dikiciakka mulut itula diau keluagh jak di atiau.”

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

Semestiau kamu iluak ati, luak Bapak kamu iluak atiAu.”

“Jangan kamu ngadili jemau, mangku kamu nidau diadili. Jangan kamu ngukum, mangku kamu nidau diukum. Ampunila jemau, mangku kamu diampuni.

“Ngan kamu diau ndengaghka Aku, Aku bekatau: Sayangila musua kamu, kerjaukala diau iluak ngan jemau diau luat ngan kamu. Mintak selamat batan endak jemau diau ndawaika kamu. Bedu'ala batan endak jemau diau nggelakka kamu.

Mangku carau luak manau kamu endak jemau bebuat ngan kamu, luak itula pulau kamu bebuat ngan ughangtu.

Amun jemau nampagh kebual kamu diau sebela, ajung pulau nampagh kebual sebela lagi. Amun jemau ngambiak kain kamu, nengkela diau ngambiak baju kamu pulau. Enju'ila bilang jemau diau mintak ngan kamu. Jangan mintak baliakka ngan jemau diau ngambiak barang kamu.

“Nidau bediau batang kayu diau iluak diau ngasilka bua nidau iluak, ngan pulau nidau bediau batang kayu diau nidau iluak ngasilka bua diau iluak.

Bilang batang kayu dikeruani jak di buahau. Di kayu bedughi nidau bediau bua aghau, di ghumput bedughi nidau bediau bua anggur.