PETRUS 1 4 سے مشہور بائبلی آیات

شئیر

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.

Moiko in komintan bidon nokouḻí kon totabi mita inta noyo-noyoposi nongkon i Allah. Tuamai saḷaku mogogaid mita inta mopia pakédon kopira in onu inta ain pinonotabi i Allah tatua sin pogaid kon kopontingan moyotakin.

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

Táe aka moiko bo rorigaan popisí in mopirisaya kon i Kristus, dá dikabí in moiko mooyá. Posukurdon kon i Allah, sin moiko in nodia kon tangoi i Kristus.

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

Utat mita inta kotabiku! Tanaa in moiko mororiga totok sin ponungkuḷan kon i monimu. Táe dikabí moherang, naonda bo oyúon inta totok motoyang in nobaḻí kon inimu. Mokoposanangbí kon gina sin moiko in nokorasadon kon ná inta ain kinorasaan i Kristus. Dá aka kamuliaan i Kristus popoontongdon, yo totokbí in mopia in gina monimu.

Bo moiko in musti motaau mosipasiaran kon baḷoi takin diá mogamui.

Manangka intua intau inta iroriga podudui in ibog i Allah, kobiagbí mokopotoḷutui in sia, bo posarakaidon in kobiagannea kon i-Nia inta nomia kon i monia, sin Sia in umuranbí mogaid kon onu inta ain pinodandi-Nea.

Lantaran ki Kristus ain nokorasa kon roriga in awak naa, dá tua in musti umuran kon gina mako bá umuran moropot in pirisaya monimu. Sin ki ine inta nokorasadon kon roriga in awak, yo diá bidon in sia mogaid kon dosa. Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.