Matiɔ̌n 6 سے مشہور بائبلی آیات

شئیر

Ii tè klekle dɛ ba nuu nɛ̀ moo ba paeě aa die Nyesoa bobo, a mǐ dɛ wùɛ Ɔ jlɛ̌ ba nuu nu. È dɛ wùɛ a mii sòaba Ɔ mi ɛ tàmo sàba keǒ a mɔ̀.

Tèǒ nì kɔn tè kàn noǎa kèjle bɛɛ̌ ni amo. Mɛ̌oǒ joo nɛ̀ moo ɛmo waěǒ ɛ mi ɛɛ chɛ̀ɛ tɔ̀n poba. Sɔ̌noka, a kɔn noǎ fòfoa ba sìɛn něe dlǒ mɔ̀le klě chnɛ̀ jlǒ waě wùɛ wlòmo, aǎ diǒ kàn noǎa tè bo mǎ ke.”

Tèǒ nì kɔn tè Ě tmɛɛ̌ amo, aǎ tùi aa chɛ̀ kèjle keǒ dɛ a mii diba klee dɛ a mii nǎma klee dɛ a mii mǒ peba ii tè mɔ̀. Aa fònfnoo tè se kɛ kma ɛ seǒ didi dɛ mǒ sìn le? Plě fǒo tè se kɛ kma ɛ seǒ dale mǒ sìn le?

Kɛɛ bò keě Nyesoa mɔ̀ boɛ, paě nè blò mǒ, è bò poǒ chnu plě mìě nè jɔkɛn Gbeǐǒ mɔ̀ boɔ Ɔ̈ neǒ mòo wakǎ mǒ baǎ je nè do, è Ɔmoǒ Ɔ̈ wɛ̌n nèe je wɛ̌ tèǒ bòɛɛ, Nɔ̀ miì snǒ sàba klě klɔ̀ slè.

Tèǒ nì kɔn tè bǎ klě Nyesoa mɔ̀ boɛ, kě ba dǎ u je, ‘Äa Gbeǐ Nyesoa Mò neěe jɔkɛn, Nɛ bo nyopò bu nyeǒò tùtuɛ wòje Ngmà Je Ne Nyesoa. Nu Nè win kwa konkɔn bɛ kɔn äa kmɔ̌ neneɛ win kwa. È keǒ Nè kɛn wɔɔn dɛ ɛ nii klě jɔkɛn kě bɛ nu kělɔ kmɔ̌ mɔ̀.

Nye ä didi dɛ ɛ̈ ä jlɛ̌ɛ keǒ chnɛ̀ jlǒ waěà mɔ̀.

Poo ä dɛ kukǔ ä nii ɛɛ tè wlò le wòje keǒ ä nii nyu bɔ̌ nu ämoo dɛ kukǔ mǒ ä pee ɔɔ tè wlò le.

È Nè kpɛě ä měne tèntɛn slè, kɛɛ gblàě ä dɛ kukǔ slè. Mɛ̌oǒ joo nɛ̀ moo Mòà Mò moo Klɔ̀ba Ɔ̈ kɔn win kwa klě kpě klee tè jǐ boaboǎ wlòmo tǐ wùɛ mɔ̀, kě bɛ ne.’ ”

È Jùsu kpɛɛa Ɔɔ win nya Ɔ je, “Bɛ̌ nu bǎ poo nyopò tùu tè wlò le üà nuu dɛ kukǔ keǒ a jleě mǒ, è aa Gbeǐǒ neěe jɔkɛn Ɔ mi aa tè wlò le pooba ke.

Ba tanʼě noeǒ ï neěe jɔ mǒ mɔ̀le. Iǐ dɔ̌ dɛ plě iǐ chɛ̌n dɛ bi tùu bo klě wùlo, kɛɛ aa Gbeǐǒ neěe jɔkɛn Ɔ sɛ̀ didi dɛ tàmo keǒ i mɔ̀ kaǒ. Aa tè se kɛ kma chɔɔ i seǒ noe mǒ sìn le?

È kě Jùsu dɛ̌a u je Ɔ je, “Aa mǒ tèe dɛ aǎ tùi ɛ lɔ kělɔ kmɔ̌ɔ mɔ̀ bo, tàà chèaween klee bɔ̀gbe bɛ̌ lɔɔ noǎ je le, tàà jlǐ nyo wɛ lɔɔ keǐ ǔ jlǐi. Kɛɛ dɛɛ do ba nuu nɛ̀à, aa mǒ tèe dɛǒ klě ba tùě ɛ jɔkɛn bo, tàà bɔ̀gbe iǐ bɛ̌ lěe noǎ je le plě chèaween iǐ nymiiěe noǎ jǐ le, tàà jlǐ nyo uǔ muěe uǔ waa keǐ uǔ jlǐi. È tè kɔn tè Ě boɛ amoo tèà je nɛ̀ moo tàà nè mǒ tèe dɛ neǒo keǒ nè wlò wùɛ pɛnʼǒ bo.”

È kě Jùsu dɛ̌a u je de Ɔ je, “Nyuu do slě wɔ̀ bɔ neeě chì kpa ämopòo sɔ̌n bobo. Ɔ mi do faenma ɔ mǐ do mǒ noɛɛ ne plě ɔ miǒ do tùtuɛ nyema ɔ miǒ doo tè le sàe le. Dɛɛ doǒ nɛ̀ ɛ mono, a slě wɔ̀ ba neě Nyesoa bobo plě ba neě kmɔ̌ɔ noǎ bobo.

Bɛ̌ nu bo Nyesoa Bɔ̌ ke bò kwlǎ kpnekpnɛ̌ ni ɛ̈ neěe fle mǒ ɛ̈à kɔn blěe chnɛ̀ jlǒ waě nee do ɛ̈ mi kàan kǒba, è aa wlè je Ɔ se kɛě aa tè mɔ̀ kɔn le? Aa tè wlò popoɛ chɛɛ̌n mǒ no!

Kɛɛ bɛ̌ nu bò ke nè kàan dɛǒ ni, nè sonwɛǒ nyu wùɛ mɔ̀ mǒ ɔɔ̌ jiǒ ɛ dɛ kɛn ɛ̈ di ɛɛ numa nè nyee dɛǒ ɛ miě je wɛ̌ tǔn wlòmo ne mì ɛ ɔ̀ nye. È nè Gbeǐǒ neěe jɔkɛn Ɔ̈ jěe je wɛ̌ dɛǒ nùu, Ɔ miì snǒ sàba klě klɔ̀ slè.”

È dɛ tɛ̀ɛ Jùsu boɛa uu je de nɛ̀à Ɔ je, “A tùě jǐ bo aa Nyesoa dɛɛ nunuɛ aǎ diǒ ɛ klɔ̀ jemǒ kpa keǒ bu mǐ aa nynɛ̌ le po tè. È bɛ̌ tù ɛ tè bǎ ke ɛ ni, è aa Gbeǐǒ neěe jɔkɛn Ɔ se snǒ sàe dɛ kɔnma mu keǒ a mɔ̀.

È kě Jùsu dɛ̌a de Ɔ je, “Bɛ̌ nu bǎ ke chìn keǒ Nyesoa mɔ̀ boɔboɔ mɔ̀, aǎ ni ɛ wòje keǒ ä jěè kɛn ä daà kàan chènyɔ Nyesoa nyo ni ɛɛ ǔ pee wɔle je le ǔ tee ɛɛ klě klɔ̀ slè nyopò ji ɛɛ ɛ̈ moo u chìn ni ɛ̈ di ɛɛ numa u mǐ u bae le. Ě tmɛɛ̌ ane, u blěe snǒ sàe dɛ u kɔnʼɔ nɛ̀ǒ. Kɛɛ bɛ̌ nu bò ke chìn, nè pe ɛ je le. Pnè mì chnɔ̌ gbee jleě po ɛ̈ di ɛɛ numa nyu wùɛ ně di ɛ ji ɛ̈ moo chìn ni, ɛ̀ sìnʼǒ nè Gbeǐi doǒ neěe jɔkɛn. È Ɔɔ doǒ Ɔ̈ jěe dɛǒ nìi klě je wɛ̌ tǔn mǒ Nɔ̀ miì snǒ sàba klě klɔ̀ slè.”