Jɛ́nɛ́sì 6 سے مشہور بائبلی آیات

شئیر

ɔ kpá ma wìǐn. Ɔ hwòɖǒ kpá ma ɖé ɖei mìɔ ɓó nyɔǔn-dyù ɓě nìà ɓóɖó-kpàɔ̀ kɔ̃ɛɛ mɛ jè

Ti ɓɛ́ Bounɓoɔ̀ dyéɛ kà nyɔǔn-dyùɛ̀ hwòɖǒ-kɔ̃in-nyìnììn-nyìnììn nyu ma kpéín ɓúáa ɓóɖó-kpàɔ̀ kɔ̃, ké kà waà hwìɖǐi-poìn-ɖɛ̀ séín mɔ̀ ma ɖɛ gbà kánáá pūɛɛ

Kɛɛ Bounɓoɔ̀ hwòɖǒ dèìn ma Nóà múin.

Ɖɛ ɓě ɓá Nóà jè dyíɛɛ, wa kɛà kɛ̀. Nóà mɔ̀ ma dyí-sɛ́ɖɛ́ìn-nyɔ̀. Ɔ se ma kɛɛ ɖò ɓéɖé ɖé nyɔ ɓě nì ma cĩ́ɛń ɓó tia ɓaɖaa hwìɛ̀. Ké ɔ xwɛ̃́ìn ma Gèɖèpɔ́ɔ̀ bũ̌in mìɔ.

ké ɔ ɖá, “Ní mu nyɔǔn kè nimii kè ɓíɖíi-dyi-nà-ɖɛ̀ ɔ kè naà séín ɓě ḿ mɛ ma kɛɛ ɓóɖó-kpàɔ̀ kɔ̃ dyi sámáùn, sepóɛɖé ní hwòɖǒ kpá ɖé ɖei ɓó wa mɛ jè.”

Ti ɓɛ́ nyɔǔn-dyù nìǎ ma dyí vòɛ̌n ɓóɖó-kpàɔ̀ kɔ̃, ké wa nìǎ ma màa-dyù ɓě wóɖóɛ̌n nyɛɛ, Gèɖèpɔ́ɔ̀ dyú-gàà ɖíɛ́ ɓě dyé ma nyɔǔn-dyùɛ̀ dyú-màà ɓěɔ̀ kà wa nɔ̀mɔ̀ ma kɔ̃in nyɛ, ké wa kpɔ̃ ma nyɔ́nɔ́ ɓě wa mɔ́ ma kɛɛ dyi. Hwɛ̀ ké Bounɓoɔ̀ cɛ̃ɛ ma, ké ɔ ɖá, “Ḿ se nyɔǔn dyi táǎ mu, ɓɛ́ wa ké hwèɖèìn ɖe. Wa mɔ̀ fɔ́ jèɛɛ, wa mu cĩ́ìn ɓó zɔ̃ hɔ̃dɛ̀ɖɛ̀ ɖò kè kpáɖá-nyɔ nyɛ̀nɛ̀ɛ̀.” Ɓó ti kɔ̃̀ ɓaɖa ɓɛ́ Gèɖèpɔ́ɔ̀ dyú-gàà ɓěɔ̀ kè nyɔǔn-dyùɛ̀ dyú-màà ɓěɔ̀ nì ma ɓó da, ké wa wóɖóìn ma dyú ɓěɛɛ, waà dyú ɓěɔ̀ kè waà nyúà-dyú ɓěɔ̀ mɔ̀ ma nyɔ ɓúá dyai ɓě ɓóɖó-kpàɔ̀ kɔ̃. Wa mɔ̀ ma kpé-ɓéɖé-nyɔ̀ ɓě nìǒ zɔ̃̌ɔ̀ ɓɛ́ wa kɔ̃̀ nyɛ́nɛ́ muó zɔ̃̌ɔ̀ kɛ.

Ké Nóà nyu ma ɖɛ séín ɓěɔ̀ nyɛ̀nɛ̀ɛ̀, kà Gèɖèpɔ́ɔ̀ nyuɛ ma kà ɔ gbo cɛ̃ɛ kɛ.

Hwɛ̀ ké Gèɖèpɔ́ɔ̀ cɛ̃ɛ ma Nóà gbo, ké ɔ ɖá, “Ní mu nyɔ séín ɓěɔ̀ jè dyi zĩ̀ìn, sepóɛɖé wa nì ɖɛ gana xwa zaìn zàǐn. Ní muá wa kè ɓóɖó-kpàɔ̀ mú gbɔɔ̀ùn.

Ɔ jèɛɛ, m̀ mɛ cɛ̃ cu ɓɛ́ ɔ nɔ̀mɔ̀ dyíin ɓó méè mú kɔ jèɛ, ɓɛ́ m̀ kéɛ méè vɛ̀nɛ̀ ɖò mú kɔ ɓó m̀ mìɔùn bìì. M̀ mɛ cɛ̃ɛ xwíníín, ɓɛ́ m̀ kéɛ kóò-táà bũ̌in kè xwíníín dyi sàmàìn.

Ké Gèɖèpɔ́ɔ̀ dyéɛ ma kà hwòɖǒ-kɔ̃in-nyìnììn-nyìnììn dyíìn ma ɓóɖó-kpàɔ̀ kɔ̃in nyɛ, sepóɛɖé nyɔ séín nì ɓóɖó-kpàɔ̀ kɔ̃ɛɛ nyìnììn ma hwòɖǒ kɔ̃in ɖé waà nyuu-ɖɛ̀ séín mú.

M̀ mɛ dyáìn ɖɛ séín ɓéɖé fɛ̀ɛ̀ kɛɛ sɔ̃́-sɔ̃́ ɖé méèɔ̀ mú, ɓɛ́ wa nììn fɛ̀ɛ̀ ké pó ɖekè. M̀ mɛ dyáìn wa nyɔ́nɔ́ kè ɓíɔ́.