Luka 14 سے مشہور بائبلی آیات

شئیر

“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.

Mûndû wa wonthe ûtakuuaga mûtharava wake na akanûmîrîra, ndangîtuîka mûrutwa wakwa.

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Kwoguo gûtirî mûndû wana ûmwe gatagatîrî kenyu ûngîtuîka mûrutwa wakwa atambîte gûtiga indo cionthe irîa arî nacio.

“Mûndû ûmwe gatagatîrî kenyu angîthîrwa nîaravanga gûtuma nyomba, mbere ambaga agekara nthî na agatara matûmîri nîguo avote kûmenya kana arî na mbeca mbîganu cia kûmîrîkia. Nwatî angîtuma mûcingi na acoke aremwe nî kûrîkia nyomba îo, andû onthe arîa makonaga nyomba îo makamûnyûrûragia makiugaga atîrî, ‘Mûndû ûyû aambîrîrie gûtuma nyomba nwatî nîwaremirwe nî kûrîkia!’

Rîrîa wavarîria kîrugo îtagîra andû arîa athîni, cionje, ithua na atumumu; nawe nîûkaarathimwa nîûndû o matingîvota gûkûrîva. Nake Ngai nîagaakûrîva vîndî îrîa andû arîa maakwire marî athingu makariûka.”

“Cumbî nî mbaro. Nwatî ethîrwa nwa îthire mûcamo wayo, nîndûî kîngîtûma îgîe na mûcamo rîngî? Cumbî ta îo ndîrî vata mûtheturî wana kana thumurî; nîkwa îtecagwa. Mûndû ûrîa ûrî na matû ma kwîgua, nîegue!”