Senesi 6 سے مشہور بائبلی آیات

شئیر

Ti na fakasemala loa le Eteleno i lana fakatupu le tagata i le malama nei, ti na mamae ai lona loto.

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Kae na tio loa le Eteleno kia Noe ti na alofa loa a ia kiate ia.

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Na soko loa ki se temi, kua fakaano ke toka api ai a tagata i le malama nei, ti na tupu loa ni taineliki kia latou, ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga. Koia na pati ai loa le Atua : E leaise toe nofo tuumau loa loku Laumalie i le tagata, talie ko se kanofi fuai le tagata, ti ko le lasi loa o ona aso ko le kau lelau kau lua fetuu. I le temi lena, na tagata lalasi ai le malama nei. Ti na toe felaaki i le oki o le ano o vosa o le Atua ki taineliki o tagata, ti na tupu loa mei ai ni fanau : ko latou ana na logologona i le temi mua.

Ti na fai loa a Noe ki ai : na fai loa e ia a nea fuli ala na fakatotonu e le Atua kiate ia.

Koia na pati ai loa le Atua kia Noe : Kua kau fakapapau ke fakagato a tagata fuli ; talie kua lotou fakaapele ia le kele ki le agamakeke ; e kau maumaui loa a tagata mo le kele.

Fau kiate koe se aleka ki le laakau ko le kofele ; e ke fau loa le aleka lena o vaevae kogafale, ti e ke pena loa a ia ki se pulu kula i loto mo tafa.

Na tio loa le Atua ki le malama nei, ti ko leinei, kua veli ai a ia ; talie kua fakalialia a ala o tagata fuli i le malama nei.

E ke toe fakaulu loa ki le aleka, ni soa manu taki tasi i manu kesekese fuli e mauli, se manu tagata mo se manu fafine, o tupu ke fakamauli latou mo koe.