KA ʻEUANELIO I KĀKAU ʻIA AI E IOANE 6 سے مشہور بائبلی آیات

شئیر

ʻŌlelo maila ʻo Iesū iā lākou, “ʻO wau nō ka berena e ola ai; ʻo ka mea e hele mai i oʻu nei, ʻaʻole loa ia e pōloli; a ʻo ka mea e manaʻoʻiʻo mai iaʻu, ʻaʻole loa ia e make wai.

“ʻO ka ʻUhane ka mea nāna e hoʻōla; ʻaʻole ke kino he mea e pono ai; ʻo ka ʻōlelo aʻu e ʻōlelo aku nei iā ʻoukou, he ʻuhane ia a me ke ola.

“Mai hoʻoikaika ʻoukou no ka ʻai e pau wale; akā, no ka ʻai e mau ana a hiki i ke ola loa, ka mea a ke Keiki a ke Kanaka e hāʻawi ai na ʻoukou; no ka mea, ʻo ia kā ka Makua ke Akua i hōʻoiaʻiʻo mai ai.”

“No ka mea, eia ka makemake o ka Mea nāna au i hoʻouna mai, ʻo nā mea a pau e ʻike mai i ke Keiki, a e manaʻoʻiʻo hoʻi iā ia, e loaʻa iā ia ke ola mau loa; a e hoʻāla mai au iā ia i ka lā ma hope.”

ʻŌlelo maila ʻo Iesū iā lākou, ʻī maila, “Eia ka hana a ke Akua, e manaʻoʻiʻo mai ʻoukou i ka mea āna i hoʻouna mai ai.”

“ʻO nā mea a pau a ka Makua e hāʻawi mai ai noʻu, e hele mai nō lākou i oʻu nei; a ʻo ka mea e hele mai i oʻu nei, ʻaʻole loa wau e kipaku aku iā ia.

ʻĪ akula ʻo Simona Petero iā ia, “E ka Haku, i o wai lā mākou e hele aku ai? Iā ʻoe nō ka ʻōlelo o ke ola mau loa.

“ʻO wau nō ka berena ola, ka mea i iho mai mai ka lani mai. Inā e ʻai kekahi i kēia berena, e ola mau loa ia; a ʻo ka berena aʻu e hāʻawi aku ai, ʻo koʻu kino ia, ka mea aʻu e hāʻawi aku i ola no ko ke ao nei.”

“ʻAʻohe mea e hiki iā ia ke hele mai i oʻu nei, ke kauō ʻole mai iā ia ka Makua nāna au i hoʻouna mai; a naʻu ia e hoʻāla mai i ka lā ma hope.

“No ka mea, ʻo kā ke Akua berena, ʻo ia ka mea i iho mai mai ka lani mai, a hāʻawi i ke ola no ko ke ao nei.”

“ʻO wau nō ka berena e ola ai.

Lālau maila ʻo Iesū i nā pōpō berena; hoʻomaikaʻi akula, a hāʻawi maila i nā haumāna, a ʻo nā haumāna hoʻi i ka poʻe e noho ana; pēlā nō hoʻi nā iʻa, a like ka nui me ko lākou makemake. A māʻona aʻela lākou, ʻī maila ia i kāna poʻe haumāna, “E hōʻiliʻili i nā hakina i koe, i hoʻolei ʻole ʻia ai kekahi mea.”

Hoe akula lākou i nā setadia he iwakāluakumamālima, he kanakolu paha, ʻike akula lākou iā Iesū e hele mai ana ma luna o ka moana wai, a kokoke ia ma ka moku; makaʻu ihola lākou. ʻĪ maila ʻo ia iā lākou, “ʻO wau nō kēia; mai makaʻu ʻoukou.”