Yoanɛ 4 سے مشہور بائبلی آیات

شئیر

Nzapa lo Tɔrɔ, ko ale azi avɔrɔ lo na nguru tɛ Tɔrɔ Santo, avɔrɔ nga lo na seni nvɛni.”

Ngoi ni na lengbingɔ, ko alengbi wɛ, abɛta awa vɔrɔngɔ To mbi Nzapa na vɔrɔngɔ lo na nguru tɛ Tɔrɔ Santo, ala nga na vɔrɔngɔ lo na Seni nvɛni. Ta sanga ma, se mɛ To mbi aye ya, azi avɔrɔ na ni la.

Kanda zo ko la anyɔ ngu mɛ mbi na hɛ̃ngɔ lo ko, ta gwɛ̃ ngu ti gbɔ̃ gbanda lo fani mɛ ndɛ̃ bɛ gbɔ ma. Ngu mɛ mbi na hɛ̃ngɔ lo, na dungɔ ka ya tɛrɛ lo nga ma li ngu mɛ ndosi tiri tiri, ko na hɛ̃ngɔ lo du ti kaka.”

Yezo agbinya hɛ̃ wali ko ya: “Se adu ya, mɔ hĩnga ye mɛ Nzapa ndohɛ̃ zo, bere mɔ hĩnga zo mɛ ndoyɔ ngu ti mɔ ko, ale mɔ la mɔ lengbi ti yɔngɔ ngu ti lo, wa lo hɛ̃ mɔ ngu mɛ alengbi ti hɛ̃ngɔ mɔ beta du.”

Yezo apa hɛ̃ la ya: “Tɛ mɛ mbi lengbi ti tɛngɔ la, ale mbi li ye na se nyɔ wa tongɔ mbi, mbi li nga kwa mɛ ndo lo hɛ̃ mbi, ngbĩi mbi kɔ nda ni kpɛkɛlɛ.

Wali ko apa hɛ̃ lo ya: “Gbia, omɛ ta mɔ na ta ma, wa omɛ nga du ngu ni lipi lipi ko, kɔdɛ mɛ mɔ lengbi ti tɔ̃ngɔ ngu ni, hɛ̃ngɔ hɛ̃ zo ya lo nyɔ, wa lo lua beta du sia?

La wali ko apa hɛ̃ lo ya: “Mbi hĩnga ya Mɛsia na gangɔ gbanda. (Mɛsia ni alengbi ya, Kristo.) Ngoi mɛ gbanda lo ga, wa lo tɔndɔ hɛ̃ e nda ye zu.” Yezo agbinya hɛ̃ lo ya: “Ba mbi Mɛsia ni lo mbi ndotɛnɛ tɛnɛ hɛ̃ mɔ.”

“Ĩ ga ĩ ba mbanga kɔli kɔi lo ge, lo kambisa aye zu mɛ ndo mbi li. Bere ka Mɛsia mɛ ndo e ma ya lo na gangɔ la?”