Nzuá 19 سے مشہور بائبلی آیات

شئیر

Jezú kia zubha kutambula o mvindangele, uixi: Kuabhu! Ioso iòtenese kiá! Anga u bheteka o mútue uê, muenhu anga u batuka.

Kia bhiti kiki, Jezú kuma ua mono ima ioso ia tenena kiá, mu kubhitisa o maka mòsoneke mu Mikanda ia Ngana, uixi: Ngala ni dinhota!

Jezú kia mono manhʼâ, ni xibulu iê ua mu zola, uemana ue bhu mbandu iê, uambela manhʼâ, uixi: Muhatu, tala monʼé! Anga uambela o xibulu: Tala manhiʼ enu! Tunde kumbi dienhódio, xibulu ió, ua bhongolola manhʼ a Jezú ku bhata diê.

Maji o ki eza kua Jezú-phe, a sanga uafu kiá, anga kamba ku mu bukula inama iê. Disoladi dimoxi-phe u kuata sosa, u kubula na-iu Jezú mu jimbanji. Kithangana kienhókio anga mu tunda manhinga ni menha.

Imʼiíi ia bhiti kienhiki, mu kubhitisa o maka mòsoneke mu Mikanda ia Ngana, ma kuila: Ka kà mu bukula kifuba. O bhua mukuá bhu ambe: A k à mu mona, muenhó uoso a mu kubula ni sosa.

Bhenhobho Jezú, anga u tunda, muène uambata o dikulusu diê. Enda, anga a bhixila bhu kididi a kʼ ixana bhu Kibolongonho, (o mu Hebeleu, exi: Ngolongota.)

Masoladi anga mʼ enda kitundu kia jisanzu ja minha, a mu ta-kiu ku mútue, a mu zuika ue dibeka di kusuka.