Gha ta Wəshi 32 سے مشہور بائبلی آیات

شئیر

Ma ke shɛ: «Wa sləa ŋa wa?» -- «Zhakob sləa ɗa», ke shɛ.

Ma kwa nakɛ wəndəa shɛ kaɗema ŋkɛ kaweleve Zhakob ne, pa ŋkɛ mpamte ŋkɛ mbe ghwela, veraɗe 'yɛ'yɛa ghwela ta ŋkɛ samenyɛ kwa.

Pa hɛ fəghe hɛ jive te hələa shɛ, kwa sebe ta ŋkɛ, pa ŋkɛ fəghe wəshia ŋkɛ jive te perə.

Ma ke Zhakob shɛ: «Gezete ɗa sləa ŋa təhwə təhwə ŋa 'ya.» Ma ke shɛ: «Yitea wa 'yɛwe sləa ɗa na wa?» Tagha gɛ, pa ŋkɛ wəpikɛ Zhakob.

Mba Zhakob kwetɛŋenyɛ, pa kwete wəndə wətite wəti le pa te kiɗi ta ŋkwa.

Ma ke sha Zhakob: «Pelakɛ ɗa kadzeghwa ɗa 'ya kwa nza ŋkɛ wakaka zeweve ta ghweme.» -- «Katepele ŋa 'ya kaɗema na kewəpikɛ ɗa we», ke Zhakob shɛ.

Ma ke wəndəa shɛ zhɛkwa: «Katezhɛne mbeli kaheka ŋa kaZhakob we, Israyɛl tenza sləa ŋa. Kwa nza ŋkɛ nahe na kewətite wəti le Shala ba'a le mbeli, ama gha nde hərəte ŋkwa.»

Ntake Zhakob kasəkwə ghə kwa sebe ta ŋkɛ, ma ke: «Shala ta shi ɗa Abraham, Shala ta yiteyɛ ɗa Izak, gha Mahwətə. Ma pa na gezete ɗa: ‹Zhɛneghe geva kadzete hɛɗia ŋa, kadzehwa hwelefe ta ŋa. Katemene ŋa ganyɛ 'ya.›

Ma nda same veci kwa ghɛ ne, kajive Zhakob te hələa Penəwɛl. Tseheɗe yatseheɗe ŋkɛ va ghwela ta ŋkɛ.

Ma ke mbe ghəa ŋkɛ: «Ma kedzehwa kwete wəvəsə Ɛzawə le mpa ne, wərə kwete kambele.»

Keɓɛhwɛ 'ya yitea zlaɓa ta ŋa ba'a ganyɛa ŋa nyi ndeke ɗa na, 'ya nya kande mene slene ta ŋa. Va nya nza ŋkɛ ne, deke le geta yitea dzeve jive ɗa 'ya te hələa Zhəwrdɛŋe, ama bake wəvəsəa mbeli va 'ya tsetsenya.