LUCAS 24 سے مشہور بائبلی آیات

شئیر

Cunanca ñuca Yaya cusha nishca Espiritutami cancunapajman cachasha. Jahuamanta cachashca tucuita rurai tucujhuan churaringacama, Jerusalenllapitaj shuyacunguichijlla– nircami.

Paica mana caipichu, ashtahuanpish causarircamari. Galileapi cashparaj, pai imata nishcata yuyarichigari.

Chaimi paicunapaj ñahuica pascarij shina tucujpi Jesús cashcata rijsircacuna. Chaipica Jesusca paicunapaj ñaupajmanta chingarircallami. Chaimi paicunaca: –Quillcachishcacunata yuyachishpa, ñanpi ñucanchijman huillacushpaca ¿manachu ñucanchij shungutaca rupachij shina yuyachishpa rimarca?– nishpami, caishuj chaishuj ninacurcacuna.

cashna nirca: –Quillcachishcapi nishca shinaca Cristoca llaquita apashpa, huañushpa, quimsa punllapica causarinami carca. Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Paicunaca jutcu pungupi churashca rumitaca ladoman churashca cashcata ricushpa, jutcuman yaicushpaca, Mandaj Jesuspaj cuerpotaca ña mana japircacunachu.