Lucas 21 سے مشہور بائبلی آیات

شئیر

Dukodire inagoino tai. Taeku jado. Tamagodo baruto Pao Kurireu bagai tu tu je uwo taragado, uwo taginorudo boe pegareu boe piji, tagawo tagera ra tameartorure i dupiji jii toro itaregodumode du ka.

Jesus mako kimore ei. Akore: – Taeku jado. Tamororamagadukaba tawadae bagai. Tagaba tage kurudo tai. Tamororamagadukaba tamaragodae bagai. Tamororamagadumode nou inoduji dukeje tamodukare tado tarugadu nou ire tawie jiwu meri aregodumodedu ka.

Tagaba tagera ra tameartorure i dupiji dukeje imode taginorudo tawarigudukawo bope doge eda ka rugadu taruduwo baruto itae.

Imode iwadaru maku tagai tamagowo ewadaru jipagi. Dukodire nou boe eimijerage ero rakamodukare tai tawadaru jipagi pugeje.

Baru akedumode. Moto akedumode. Mare iwadaru akedumodukare rugadu jii toro rugadu. Jetumode pudui rugadu.

Jesus mako kimore: – Meri joku umode tuginai. Ari joku umode tuginai. Kuieje doge emode tuginai jamedu. Moto kejewu boe eimijera kurireuge epagudumode rugadu. Epagudumode pobo maereu ako pegareu akoji. Pobo maereu umode pobo barigu moto ao ka. Boe erduwamode boe pegare moto jituji. Baru magadugodumode jamedu. Boe edu pagamode turoiwakare nou boe pegare jiboeji kodi. Dukodire ekugudugodumode tubagudu koia. Dukejere čare boe erdumode Imedu Onaregedu aregodumode tugodu tabo boetugu ao jituji. Erdumode Imedu Onaregedu ro rakareuji. Erdumode Imedu Onaregedu o jorugu kurireuji. Jorugure moto jamedu boe parugajeje.

Tameartorumode i dukodire boe eiamedu boe erdu pegamode tai.

Moto magadugodumode boe jamedu boe parugajeje. Boe eke bokwamode boe jamedu boe parugajeje. Dukodire boe ewimode tuge boei koia. Jorubo pegareu jetumode boei moto jamedu boe parugajeje. Boe erdumode boe pegareu boeji ure turawuje baru piji duji.

Tameardumode bakaru pegareuji. Boe emode tawie boe erugoduie pui tuwaiga tabo. Erugodu akedukaie. Emoduie tugimijerage etawuje turaga tabo. Mare taragado tai tamororamagadukawo. Pao Kurireu jorduware ro pegareuge erugoduji marigudu. Umodukare nou erugodu tawuje epiji. Erugodumode pui tuwaiga tabo rugadu mare moto akedumodukare raga. Jesus mako kimore ei. Akore: – Boe eimijera kurireuge erugodumode pui tugobaigaregebo.

Jesus mako kimore: – Meri joku umode tuginai. Ari joku umode tuginai. Kuieje doge emode tuginai jamedu. Moto kejewu boe eimijera kurireuge epagudumode rugadu. Epagudumode pobo maereu ako pegareu akoji. Pobo maereu umode pobo barigu moto ao ka. Boe erduwamode boe pegare moto jituji. Baru magadugodumode jamedu. Boe edu pagamode turoiwakare nou boe pegare jiboeji kodi. Dukodire ekugudugodumode tubagudu koia.

Jesus mako kimore ei. Akore: – Boe eimijera kurireuge erugodumode pui tugobaigaregebo.

Jesus makore ei. Akore: – Taeku jado boe ekawo taekiripagado. Boe emagamode tuwadaru pegareu tabo. Egomode umode boe ekinorudowu nuie pudumi. Boe puredugoduie moto akeduwo. Mare pagare egoino. Mare du inodu tabo emode boe ekiripagado rugadu. Mare tameartorukaba ei.