Ala Kalɔ Buse 25 سے مشہور بائبلی آیات

شئیر

Amu na Unwoti Katɔti ɔ́su-nwu ɔnini, “Kadi bekyuli akpa anyɔ nkya-a kaƒɔ kemmo. Na nkyuli inyɔ bani nási-ɔ kaƒɔ kemmo ni, badubo lɛlɔ bule. Na lɛkpa linwi lɛdubɔkɛ ɔyikun litulo lɛkladi. Ubi unengudi ɔdubunwini ɔnamudi kabla ɔblane.”

Amu na ɔ́su Yakob ɔnini, “Babla na ete-mi ƒula kutu kugyiedi kɔmmɔ kɔdi, ɔsika kɔka kɔ́du-mi ƒui.” Ɔmmɔ ɔsu na basɔ baalɔ-nwu banii Edom ɔni kalɔ lɛnɔ ndi ugyiedi.

Na Rebeka ɔmɛni ni, ɔdi udinkɔ. Anwuɔsu ni, Isak ɔ́kpali Katɔti na nwuna lili na nwuna tawɔ tawɔ ɔsu. Na Unwoti Katɔti lɛnɔ únu-nwu bɔkpali na ɔ́ya na ulekudi Rebeka úbada kaƒɔ.

Mmɔ ni, Esau údie kenye ɔnini, “Nu, bukpi na nda! Bi na lɛwɔnengu lɛdubɔbla-mi?” Amu na Yakob ɔnini, “Ka Katɔti bɔkpali na ese-mi kenye!” Anwuɔsu Esau ɔ́kpali Katɔti na úse-nwu kenye ka úti nwuna lɛwɔnengu úte Yakob.

Ɔmmɔ kama asa na ɔnwani lɛnɔ úbalɛ, na úƒie ɔnwani kagbama ɔ́da. Na anwu lɛnɔ básia-nwu lɛnyi banii Yakob. Na asa na Rebeka wawɔ bebi bamɛni ni, Isak ɔ́ɔƒɔ akwa liti ku leevu.

Ka Isak ɔɔyɔ́ alakpi akɔ lɛna ɔsu ni, anwu ɔɔyɔ́ Esau litemi geen. Nsu Rebeka anwu ni, Yakob na ɔɔyɔ́.