ทิน เต่ย โต้ว 15 سے مشہور بائبلی آیات

شئیر

อับ​ลาม เสียน เฒี้ยว. เหว่ย นิ่น เสียน, เฒี้ยว ฝุน อับ​ลา​ฮัม เหธา นิ่น หอบ เฮญี้ยว.

น้าย เต๋ย สี่ เจี๋ย ลิ์ว, ฆะฮ้า อับ​ลาม ปวัด หล่าว ย่าง เญย เจ๊า ธ้วด ต้าย หย่า ไฮ์ เฒี้ยว ก๊อง บั๋ว นิ่น, “อับ​ลาม อ่า, เม่ย ไม้ ตู๋ง กั้ม เหฑีย โอ่. เยีย โหฒว เม่ย เญย ท้อง-ป้าย เปว เจี๊ยน เม่ย, อ๋อย ปุน ต้ม ฒี่ง เหญ่ย เม่ย.”

เฒี้ยว ฯฒฯ ต้อ อับ​ลาม ธ้วด แก้ง ขะเดา. นิ่น ก๊อง, “หมั่ง ก๋า กู้ หงว่าย ลู่ง! เม่ย ซ้าว ตุ๊ เหฮลย เหฑ่ง เญย นอ, ซ้าว หมั่ง ก๋า ม่าะ! เม่ย ฒู้ง อ๋อย ม่าย เฒ้ย-ฟุน ด่ง น้าย ธั้ม.”

อับ​ลาม แอ๋ง ไฮ์ เฒี้ยว บั๋ว นิ่น, “เม่ย เญย โปว, เอ​ลี​เย​เซ, ไม้ ตุ๊ หฑิบ เม่ย เญย จา-ตี้ง เหลาะ. เม่ย กั้น เญย เธียน ตอน อ๋อย ตุ๊ หฑิบ.”

เฒี้ยว ก๊อง บั๋ว นิ่น, “เม่ย อ๋อย หฒุ ฮิ้ว ตุ๊ เม่ย เญย ฟุน-ฟะ ฒู้ง หฒุ ธ้วด มี่ง เยียม กั้น นอม กั๊วะ. วั้ว นอม กั๊วะ เญย เมี่ยน อ๋อย ห่อย นิ่น บัว โหฒว โน่ว, เหฒย นิ่น บัว เฝย แป๊ะ หฮญัง.

มป่า อับ​ลาม ก๊อง, “เฒี้ยว ทิน-ฮู่ง อ้า! เม่ย อ๋อย ปุน หาย หญู่ง ฒี่ง เหญ่ย เยีย? เยีย เลี่ยม ไม้ ม่าย เหยียด เต้า ฝุเจว๊ย. ขูง ม่าย ดา​มัด​กัด ฒี่ง เญย เอ​ลี​เย​เซ ตุ๊ หฑิบ เยีย เญย จา-ตี้ง ฮนั้ง.

ต้ง วั้ว ฮนอย ทิน-ฮู่ง เหธา อับ​ลาม เหลียบ แหง่ง หว่า. ทิน-ฮู่ง ก๊อง, “น้าย นอม เต่ย-ปูง เยีย แล์ง ปุน เม่ย เญย เฒ้ย-ฟุน. เยียม อี​ยิบ ด้าย มี่ง เถา ยู​เฟ​ติด วั้ว ติ้ว ต้ม ด้าย เยีย จิว ปุน นิ่น บัว เหฑ่ง.

เจี๋ย ลิ์ว เปยย ต่อย เมี่ยน, เม่ย เญย ฟุน-ฟะ หธีง ตุ๊ หฑวน น้าย เยียม, เหว่ย หฒุ อา​โม​ไล เมี่ยน เญย ฒุ์ย ไม้ แก้ง ปวั๊ง โสว โหม่ว.”