Luku 16 سے مشہور بائبلی آیات

شئیر

Kutupa hali epima꞉ hosiki e sunu epeke tupa꞉ tikitikina꞉ handeteke haya꞉ka꞉na꞉ta꞉ kota꞉ aneke emanu make epeke tupa꞉ tikitikina꞉ handeteke halieke. Kutupa make hali epima꞉ hosiki e sunu a꞉mba a꞉mba pea poko pu hoeyaeya꞉ka꞉na꞉ta꞉ kota꞉ aneke e make a꞉mba a꞉mba pea poko pu hoeyaalieke.

E pokaasa꞉ halima꞉ta꞉ you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ hali ma꞉nda꞉ta꞉ puki halolo hata꞉ta꞉ hali ma꞉nda꞉ta꞉ honditi pilieke o hali ma꞉nda꞉ pa꞉ta꞉ homu wopu pitolo hata꞉ta꞉ hali ma꞉nda꞉ta꞉ kiaalieke. Kutupa make ikana꞉ma꞉ Koda꞉ pita꞉ mani yaapo ika꞉ you hali yaapo haena꞉ laa ipilika꞉ e yaapota꞉ homeke dina꞉ pokaapeke ana꞉ na pelememe leekeme.

Koto ekina꞉ta꞉ nakana꞉ma꞉ do kenkena꞉ ula꞉ hamoko alemanu a꞉nda꞉ tikitikina꞉ na handeteke haeka꞉na꞉ta꞉ kota꞉ epima꞉ Neketa꞉ mo deto hala꞉ ekina꞉ hamoko alemanu epeke tupa꞉ handeteke hapeke laa hone tulao kilia꞉pe. Kutupa nakana꞉ma꞉ ma꞉nda꞉na꞉ alemanu a꞉nda꞉ epeke tupa꞉ tikitikina꞉ na handeteke hawaeka꞉na꞉ta꞉ kota꞉ Naka꞉ ekie la꞉la꞉ ale manuta꞉ epima꞉ kilia꞉pe.

Koto leekepate Eipoloha꞉ma꞉ma꞉ alota꞉ Hande Mosesima꞉ make potopede haliwekima꞉ amba꞉ lao ula꞉ ekimanu na opimika꞉na꞉ta꞉ kota꞉ mo homa꞉la꞉ hali ma꞉nda꞉ paa tiao epea꞉ka꞉na꞉ make hone ma꞉nda꞉ la꞉ka꞉la na wilimikie leekeme.

Hali ma꞉nda꞉ epima꞉ ipika꞉ wanda꞉ kiao wanda꞉ ma꞉nda꞉ mia꞉ka꞉na꞉ta꞉ kota꞉ koto halima꞉ta꞉ tooli ka꞉taasa꞉ hau pita꞉la꞉me. Kutupa mo kiala꞉ wanda꞉ mina꞉la꞉ halima꞉ make hali ma꞉nda꞉na꞉ wanda꞉na꞉ hakopu tunku la꞉la꞉me leekeme.