Kini Pieke 12 سے مشہور بائبلی آیات

شئیر

I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ wopu kiaata꞉ ikita꞉ tutu tieke halimikie. Neketa꞉ wamo peaasa꞉ hali halena꞉ yeke I̱ma꞉ neke epealueke laata꞉ naka꞉ biki kende tupa꞉ wina꞉ lolueke. Mo neke epealimi wanda꞉halita꞉ I̱ma꞉ epealo polopate. Mo neke pa꞉ta꞉ esihou pi lelimi wanda꞉halita꞉ kota꞉ I̱ma꞉ iki pa꞉ta꞉ esihou pi laalueke. Kutupa neke pa꞉ta꞉ yama꞉ta꞉ mo tutu ta꞉ta꞉ ta꞉ta꞉ paeyao epealueke leekeme.

Mo Tekehalima꞉ Eipola꞉ma꞉ pa꞉ta꞉ alota꞉ Naka꞉ da kenke make naka꞉ tapake make naka꞉ apa꞉na꞉ da kenke make mina꞉pa꞉lao mo I̱ma꞉ walo polo kenke pa꞉ta꞉ pua꞉peke.

Mo Eipola꞉ma꞉ ipiki bapi 75 mieketa꞉ mo hande Koda꞉ma꞉ leeke tupa꞉ Hatani da mina꞉pa꞉laeyekeme. Hande Loda make ipika꞉ yaapo peekeme.

Mo Tekehalima꞉ Eipola꞉ma꞉ pa꞉ta꞉ opolo a꞉pa alota꞉ Do kenke tieke paeyaota꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halo polo kenkee leekeme. Kutu piekena꞉ Eipola꞉ma꞉ma꞉ta꞉ mo ipiki pa꞉ta꞉ opolo peeke Tekehali Koda꞉ pa꞉ta꞉ koto pate oloda a꞉eyekeme.