Rome-te 6 سے مشہور بائبلی آیات

شئیر

Ahang in, mawhna thaman sihna hi-a, ahi hangin Pasian letsong ahileh i Topa Jesu Christ sunga b nuntak tawntungna ahi hi.

Ahang in, note thukham nuai-a om hi loin hehpihna nuai-a om na hi manun mawhna in note hong uk teitei lo ding hi.

Tua ahi manin Pa minthanna tungtawnin misi pan Christ a thawh kik mah bangin eite zong nuntakna thak sungah i nuntak theih nadingin ama sihna sungah i kibaptisena tungtawnin amah tawh i kivuikhawm hi.

Tatsiatna vanzat dingin na pumpi nate uh mawhna tungah na pia kei un. Ahi hangin sihna pan nuntakna a kitunsate bangin Pasian tungah nomau na kipia zaw unla na pumpi nate uh thumaanna vanzat dingin amah na pia zaw un.

Ahang in, mawhna pumpi’ thahatna a bei a a suah nading le mawhna sila i suah nawn loh nadingin i pianlui pumpi amah tawh a kilhlum khin zo hi, cih i thei hi.

Tua mah bangin note, mawhna sihsan khinin kingaihsun unla, Pasian ah Jesu sunga a nungta in na kingaihsun un.

Tua ahileh bang i gen ding hiam? Hehpihna a khan nadingin mawhna bawl denden ding i hi hiam? Mawh denden peuhmah lo e! Mawhna i sihsan zo hi; tua mawhna sungah bangci nuntak thei lai ding i hi hiam?

Mi khatpeuh tungah ama thu mang dingin na kipiak uh ciangin ama thu na man pa uh sila na hi uh bangin, sihna ah hong tun mawhna sila na hi uh zongin, thumaanna ah hong tun thuman’na sila na hi uh zongin a thu na man pa uh sila na hilam uh thei lo na hi uh hiam?

Ahi hangin mawhna sila na hi ngei uh hangin no hong ki-apsa thuhilhna, na lungsim khempeuh uh tawh mang na hi manun Pasian tungah lungdamna om ta hen. Mawhna panin note hong kisuaktasak khin zo a, thumaanna sila na suak khin ta uh hi.