Philippi-te 4 سے مشہور بائبلی آیات

شئیر

Na khatpeuhah lunghimawh in patau kei unla, na khempeuh ah lungdamkohna tawh thuahin, thungetna le ngetna Pasian tungah na tun un.

Tua hileh theihtelnate khempeuh a khup Pasian lemna in, Christ Jesu sungah na lungsimte uh le na lungtangte uh hong cing ding hi.

A nunung penin sanggamte aw, a maan peuhmah, a zahtakhuai peuhmah, a dik peuhmah, a siang peuhmah, a ithuai peuhmah, a pahtakhuai peuhmah, na khatpeuh a hoih pen hi-a, a phattak nak leh tua bang nate na ngaihsun un.

Kei thahatna hong pia pa tungtawnin na khempeuh ka hih thei hi.

Topa sungah lungnuam tawntung un. Kong genkik ding hi: Lungnuam un!

Christ Jesu sunga hauhna minthang tawh ka Pasian in note kisapna khempeuh hong guan ding hi.

Kei tung pana na sinsa, na ngahsa, na zaksa uh ahi zongin, kei sunga na muhsate uh ahi zongin na taksuaksak un. Tua hileh lemna Pasian, note tawh a omkhawm ding hi.

Mi khempeuh tungah na migitna uh na kitelsak un. Topa hong nai hi.

Taksap kici bang hi-a, kicing a kici bang hiam cih ka thei hi. Gilkialna hiam gilvahna, zawnna hiam hauhna - omzia namkim ah lungkimna thusim ka sin zo hi.

A piang bangbang ka lungkim nadingin a kisin khinsa ka hi manin, kisapna nei-a hih thu a gen ka hi kei hi.