Matthew 7 سے مشہور بائبلی آیات

شئیر

"Ngen un hong kipia ding hi; zong un na mu ding uh hi; kiu un kongkhak hong kihon ding hi.

Ahang in, a ngen khempeuh in a ngah uh hi; a zongte in a mu hi; a kiute ading kongkhak kihon ding hi.

"Tua hi-a hih ka thute za-a, a zuipahte peuhmah suangpi tunga inn lam mipilpa tawh kibang hi.

Na khempeuh ah no tunga hong kibawl ding na deih bangun midangte tungah bawl un. Hih in Thukham le kamsangte thu khempeuh huam khin hi.

Ahi hangin nuntakna a tun kongpi neu a, lampi kawcik in mi tawmcik bek a lut hi.

"Kong kawcik ah lut un. Ahang in, siatna a tun kongpi tanzau-in lampi zai-a mi tampi a lut hi.

Tua ahileh note migilo hi napi, na tate uh na hoih piak ding thei na hi uh leh vantunga om na Pa un a ngente na hoih pia nuam zawtham lo ding ahi hiam!

"Midangte tungah thu khen kei un. Na khen uh leh no tungah zong thu hong kikhen ding hi. Midangte tunga na khen bangun no tungah zong hong kikhen dinga, no zat tehna mah tawh no aa zong hong kitehsak ding hi.

Ka thute za napi, a zuipah lote sehnel tunga inn lam mihaipa tawh kibang hi.

"Nang mittanga singpek ngaihsun loin bang hanga na sanggampa mita singatvui them en na hi hiam? Nang mittang ah singpek om napi na sanggampa kiangah, ‘Na mit-a ninthem hong lakkhiatsak ning,’ bangci cih thei na hi hiam?

"Kamsang zuaute hangin na kigalging un. Amaute tuuvun silhin note kiangah hong pai uh hi; ahi hangin amaute sunglam, ngia hangsan ahi hi. Amaute a gah un na khentel thei ding uh hi. Lingkung panin lenggah kilo ngei ahi hiam? Thangling kung panin theigah kilo ngei ahi hiam?

Tua mah bangin kung hoih in gah hoih gah a, kung hoih lo in gah hoih lo a gah hi.

A kung hoih in gah hoih lo gah thei lo a, tua mah bangin a kung hoih lo in gah hoih gah thei lo hi.

Gah hoih a gah lo singkung peuhmah kiphukin meikhukah kikhul hi.