John 16 سے مشہور بائبلی آیات

شئیر

Note in kei sungah lungnopna na ngah nadingun hih thute kong gen khin ta hi. Hih leitung ah note na lungmang ding uh hi. Ahi hangin kilungkhauhsak un! Leitung ka zo zo hi," a ci hi.

Ahi hangin amah thutak Kha hong pai ciangin thutak khempeuh ah hong pi ding hi. Ama thu hong gen ding ahi kei hi. A zak thute bek gen dinga, hong piang lai ding thu note hong hilh ding hi.

Tu hun dong kei min suangin bangmah na ngen nai kei uh hi. Ngen le uh cin na ngah ding uh a, tua ciangin na lungdamna uh a kim ding hi.

Ahi hangin thutak kong geninah: Ka paikhiat note hoih nading ahi hi. Kei paikhia lo hileng Thukuppihpa no kiangah hong pai lo ding hi. Ahi zongin kei va paikhia leng, no kiangah amah kong sawl ding hi. Amah hong pai ciangin mawhna, thumaanna le thukhenna thu ah, leitung a mawhna a a laktel ding hi

Tua mah bangin note zong tu lai-takin na dah uh hi. Ahi zongin note kong mu kik dinga, na lungdam ding uh hi. Note lungdamna kuamah in hong sutkhia kei ding hi. Tua ni ciangin kei, bangmah nong dong nawn kei ding uh hi. Thutak kong geninah, kei min suanga na nget peuhpeuh uh ka Pa in hong pia ding hi.

Thutak kong geninah, leitung a lungdam laitakin note kapin na dah ding uh hi. Na lungkham ding uh a, ahi hangin na lungkhamna uh lungnopna a suak ding hi.