Colosse-te 3 سے مشہور بائبلی آیات

شئیر

Khat le khat kilungnoplohna na neih uh ciangin kithuak zo un. Topa in note hong maisak bangin na kimaisak tek un.

Na lungsimte uh, leitung nate ahi lo tunglam nate tungah na nga un.

Na khat peuhpeuh na hih uh ciangin mihing nasem bang hi lo, Topa nasem bangin na lungsim khempeuh uh tawh sem un.

Tua ahi manin note, Pasian teelsa a siangtho le a ithuai mi na hi bangun no le no in, kikhuatuahna, migitna, kiniam khiatna lungnemna le thuakzawhna na silh un.

Pilna khempeuh tawh note khat le khat kihilhin kithuhilh unla, na sunguah lungdamna tawh Phatna-late, biakna late le khalam-late Pasian tungah na sak kawmun na lungsim sunguhah Christ thu na tengsak phitphet un. Tua ciangin na hih peuhpeuh uh thu-in ahi-a, sepna-in ahi zongin Pa Pasian tungah ama tungtawnin lungdam na ko unla, Topa Jesu minin tuate na hih un.

Hih a hoih pente khempeuh tungah, tuate khempeuh kicingtakin khata henkhawm itna na silhthuah un.

Tua ahi ciangin, note Christ tawh thokhawm khin na hi nungsang un Pasian taklama a om Christ tutna mun, tunglam nate ah na lungsim uh na nga un.

Pum khat a suak dingin lemna ah hong sap nungsangin na lungtangte uh Christ lemna na uksak un. Na lungdam un.

Tua ahi manin na leitung pianngei uh ahi: numei-pasal paktatna, siantholohna, kilunggulhluatna, gitlohnate le milim biakna ahi huaihamna na sisak un.

Ahang in, note na si zo uh a, tu-in na nuntakna uh, Christ tawh Pasian sungah a kisel zo hi.

Ahi hangin tu-in ahileh tua nate khempeuh: hehna, ngonghehna, etsatna, gendaihatna le a kihhuai kampau, na muk panun na paikhia pelmawh un.

Na milui hinna uh le na gamtatna teng uh na suahkhiat khit nungsangun khat le khat na kikhem kei un. A piangsak-Pa lim sunin theihna lama a kibawlthak mithak na silh un.

Pasalte aw, na zite uh it unla, amau tungah na ngongtat kei un.

Tate aw, na khempeuh ah na nu na pa-te uh thu na mang un, hih in Topa a lungkimsak hi.

Zite aw, Topa sungah a kilawm bangin na pasalte uh tungah na ki-ap un.